ҶОМЕА
Душанбе 08 Июн 2026 02:05
Имрӯз - 21 ноябр дар Китобхонаи миллии Тоҷикистон сабқат барои шоҳҷоизаҳои озмуни ҷумҳуриявии “Фурӯғи субҳи доноӣ китоб аст” ҷараён дорад.
Ба иттилои дафтари матбуоти Вазорати маориф ва илм барои 4 шоҳҷоизаи озмун бояд аз 6 номинатсия (аз ҳар номинатсия 4-нафарӣ) 24 нафар мубориза мебурданд. Аммо айни ҳол 15 нафар довталаби шоҳҷоиза байни ҳам сабқат кардаистодаанд.
Мутобиқи маълумоти мавҷуда, дар даври якуми озмуни “Фурӯғи субҳи доноӣ китоб аст” 251 ҳазору 266 нафар довталаб, дар даври дуюми он 49 ҳазору 267 нафар, дар даври сеюм 3742 нафар – 458 довталаб аз шаҳри Душанбе, 1130 довталаб аз вилояти Суғд, 1130 довталаб аз вилояти Хатлон, 373 довталаб аз Вилояти Мухтори Кӯҳистони Бадахшон ва 451 довталаб аз шаҳру ноҳияҳои тобеи ҷумҳурӣ иштирок намуда, аз ин шумора 574 нафар ба даври ниҳоии он роҳ ёфтанд.
Бояд ёдовар шуд, ки имсол барои ҳавасмандсозии иштирокчиёни озмун ба раванди ҷоизаҳои он тағйирот ворид карда шуд. Тибқи фармони Президенти Ҷумҳурии Тоҷикистон муҳтарам Эмомалӣ Раҳмон қадрдониҳои озмуни “Фурӯғи субҳи доноӣ китоб аст” аз 1 Шоҳҷоиза ба 4 адад зиёд карда шуд. Дар ин раванд, маблағи ҳар як ҷоиза як баробар зиёд карда шуд. Бо назардошти тағйироти воридшуда, соли равон маблағи умумии мукофоти озмуни ҷумҳуриявии “Фурӯғи субҳи доноӣ китоб аст” 4 миллиону 570 ҳазор сомониро ташкил медиҳад, ки нисбат ба соли гузашта 695 ҳазор сомонӣ зиёд мебошад.
Дар ин раванд, ба номинатсияи “Адабиёти кӯдакону наврасон” тағйирот ворид гардида, номи номинатсия ба “Адабиёти кӯдакону наврасон ва осори шифоҳӣ” табдил дода шуд. Ин номинатсия яке аз бахшҳои фаъолтарини озмун ба ҳисоб меравад, зеро довталабони он хонандагони муассисаҳои таҳсилоти миёнаи умумӣ мебошанд. Бо инобати ин соли равон ин номинатсияро ба се гурӯҳ ҷудо намуданд: гурӯҳи якум - хонандагони синфҳои 1 то 4, гурӯҳи дуюм - хонандагони синфҳои 5 то 8 ва гурӯҳи сеюм - хонандагони синфҳои аз 9 то 11 ва 10,11-и муассисаҳои таҳсилоти ибтидоии касбӣ мебошанд.
Ҳамчунин, ба хотири таъмини пурраи шаффофият, пешгирӣ аз ҳолатҳои баҳогузории ғайримеъёрӣ ва қонеъ гардонидани дархости иштирокчиён ҷараёни даври чоруми озмун пурра ба навор гирифта мешавад.
Ҷасури ҚИЁМИДДИН, “ҶТ”
Ба иттилои дафтари матбуоти Вазорати маориф ва илм барои 4 шоҳҷоизаи озмун бояд аз 6 номинатсия (аз ҳар номинатсия 4-нафарӣ) 24 нафар мубориза мебурданд. Аммо айни ҳол 15 нафар довталаби шоҳҷоиза байни ҳам сабқат кардаистодаанд.
Мутобиқи маълумоти мавҷуда, дар даври якуми озмуни “Фурӯғи субҳи доноӣ китоб аст” 251 ҳазору 266 нафар довталаб, дар даври дуюми он 49 ҳазору 267 нафар, дар даври сеюм 3742 нафар – 458 довталаб аз шаҳри Душанбе, 1130 довталаб аз вилояти Суғд, 1130 довталаб аз вилояти Хатлон, 373 довталаб аз Вилояти Мухтори Кӯҳистони Бадахшон ва 451 довталаб аз шаҳру ноҳияҳои тобеи ҷумҳурӣ иштирок намуда, аз ин шумора 574 нафар ба даври ниҳоии он роҳ ёфтанд.
Бояд ёдовар шуд, ки имсол барои ҳавасмандсозии иштирокчиёни озмун ба раванди ҷоизаҳои он тағйирот ворид карда шуд. Тибқи фармони Президенти Ҷумҳурии Тоҷикистон муҳтарам Эмомалӣ Раҳмон қадрдониҳои озмуни “Фурӯғи субҳи доноӣ китоб аст” аз 1 Шоҳҷоиза ба 4 адад зиёд карда шуд. Дар ин раванд, маблағи ҳар як ҷоиза як баробар зиёд карда шуд. Бо назардошти тағйироти воридшуда, соли равон маблағи умумии мукофоти озмуни ҷумҳуриявии “Фурӯғи субҳи доноӣ китоб аст” 4 миллиону 570 ҳазор сомониро ташкил медиҳад, ки нисбат ба соли гузашта 695 ҳазор сомонӣ зиёд мебошад.
Дар ин раванд, ба номинатсияи “Адабиёти кӯдакону наврасон” тағйирот ворид гардида, номи номинатсия ба “Адабиёти кӯдакону наврасон ва осори шифоҳӣ” табдил дода шуд. Ин номинатсия яке аз бахшҳои фаъолтарини озмун ба ҳисоб меравад, зеро довталабони он хонандагони муассисаҳои таҳсилоти миёнаи умумӣ мебошанд. Бо инобати ин соли равон ин номинатсияро ба се гурӯҳ ҷудо намуданд: гурӯҳи якум - хонандагони синфҳои 1 то 4, гурӯҳи дуюм - хонандагони синфҳои 5 то 8 ва гурӯҳи сеюм - хонандагони синфҳои аз 9 то 11 ва 10,11-и муассисаҳои таҳсилоти ибтидоии касбӣ мебошанд.
Ҳамчунин, ба хотири таъмини пурраи шаффофият, пешгирӣ аз ҳолатҳои баҳогузории ғайримеъёрӣ ва қонеъ гардонидани дархости иштирокчиён ҷараёни даври чоруми озмун пурра ба навор гирифта мешавад.
Ҷасури ҚИЁМИДДИН, “ҶТ”
Хабарҳои дигар
Рӯзнома
Эзоҳи худро нависед