23 июл дар амфитеатри Муассисаи давлатии Боғи фарҳангӣ-фароғатии ба номи Садриддин Айнӣ Фестивалидӯстии афсарону сарбозони Қӯшунҳои дохилии Вазорати корҳои дохилии Ҷумҳурии Тоҷикистон таҳти унвони “Муҳофизони Ватан” баргузор гардид.

Чорабинӣ бо иштироки афсарону сарбозон, намояндагони сохторҳои низомӣ фаъолони ҷомеа ва аҳли фарҳангу санъат сурат гирифт. Ҳадафи асосии баргузории фестивал таҳкими дӯстӣ ва ҳамбастагии байни афсарону сарбозон, боло бурдани руҳияи ватандӯстӣ ва эҳтиром ба арзишҳои миллӣ мебошад.

Барномаи фарҳангӣ - фароғатӣ баромадҳои ҳунарии сарбозон, мусиқӣ ва маҳорати ҷисмонии хизматчиёни ҳарбиро дар бар мегирифт.
Ба иттилои масъулин баргузории чунин фестивалҳо барои баланд бардоштани ҳисси ифтихори миллию хештаншиносӣ ва тақвияти робитаи Қувваҳои Муссалаҳ бо ҷомеа нақши муассир мебозад.

Уғулой ҚУТБИДДИНЗОДА, “ҶТ”