ҶОМЕА
Ҷумъа 05 Июн 2026 05:43
Истиқлоли давлатӣ барои занон шароит фароҳам овард, ки дар баробари мардон кору фаъолият намуда, дар рушду шукуфоӣ ва пешрафти соҳаҳои иқтисоди миллӣ саҳми худро гузоранд. Имрӯз метавон ҳазорон нафарро мисол овард, ки бо истифода аз шароити фароҳамнамудаи давлату Ҳукумат, ғамхориҳои пайвастаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар баробари беҳтар намудани шароити зиндагии худу дигарон, дар ҷодаҳои интихобнамудаашон ба дастовардҳои бештар ноил гардидаанд.
Яке аз чунин бонувон Озодамоҳ Ҳазратзода мебошад. Ӯро дар вилояти Суғд ҳамчун зани соҳибкору ватандӯст мешиносанд. Зеро фаъолияти назарраси имрӯзаи Ҷамъияти дорои масъулияти маҳдуди “Донаи Алмос” ба номи ӯ марбут аст. “Донаи Алмос” аз дили кӯҳистон сарчашма гирифта, то ба дили Аврупо ва дигар кишварҳои дуру наздик рафта мерасад.
Зимни сафари кории хеш Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба шаҳру ноҳияҳои вилояти Суғд дар Минтақаи озоди иқтисодии Суғд корхонаи коркард ва бандубасти меваи хушки Ҷамъияти дорои масъулияти маҳдуди “Донаи алмос”-ро мавриди баҳрабардорӣ қарор доданд. Мавриди зикр аст, ки ин корхона дар доираи шарикии давлат бо бахши хусусӣ аз ҷониби соҳибкори ватанӣ Озода Ҳазратзода бунёд шудааст. Самти фаъолияти корхонаи мазкур коркард, бастубанд ва содироти меваи хушк буда, дар он зиёда аз 20 навъи маҳсулот, аз ҷумла, зардолуи хушки донакдор, писта, олуча, гулхор, чормағзи заминӣ, тут ва омехтаи як қатор меваҳои хушк омода карда мешавад. Гуфта мешавад, ки корхона бо дастгоҳҳои навини хориҷӣ муҷаҳҳаз буда, дорои тавоноии коркарди то 2000 тонна мева дар як сол ва бастабандии маҳсулот дар шаклҳои гуногун мебошад. Меваи хушке, ки дар корхона коркард мешавад, мувофиқи стандартҳои байналмилалӣ омода гардида, ба зиёда аз 30 кишвар, аз ҷумла, Олмон, Русия, Чин, Беларус, Озарбойҷон, Эрон, Туркия ва Амороти Муттаҳидаи Араб содирот карда мешавад. Мағзи зардолу аз ин ҷо ба Олмон барои истифода дар коркарди шир содир карда мешавад.
Доир ба фаъолият, нақшаҳои нав ва тасмимҳои созандаи ҶДММ “Донаи Алмос” бо роҳбари он ҳамсуҳбат шудем.
Зимни суҳбат бо Озодамоҳ Ҳазратзода маъмул гардид, ки дар заминаи дастгириҳои давлатӣ, шароити фароҳамнамудаи Пешвои миллат муҳтарам Эмомалӣ Раҳмон номбурда Ҷамъияти дорои масъулияти маҳдуди “Донаи Алмос”-ро дар вилояти Суғд таъсис медиҳад. Ҳоло ҷамъияти мазкур, ки дар минтақаи озоди иқтисодии “Суғд” фаъолият дорад, асосан ба коркард ва банду басти меваҳои шаҳдбор машғул буда, содироти маҳсулотро ба кишварҳои дуру наздик ба роҳ мондааст. Ба гуфти қаҳрамони мо дар ибтидо барои ба роҳ мондану ривоҷи фаъолият барояш осон набуд. Зеро дар ин ҷода таҷрибаи хуб, донистани набзи иқтисод, талаботи бозори ҷаҳон ва чандин масъалаҳои дигар пешорӯи ӯ қарор доштанд. Озодамоҳ мегӯяд, ки ҳидоятҳои пайвастаи Пешвои миллат муҳтарам Эмомалӣ Раҳмон ӯро ҳамеша руҳбаланд менамуд ва барои пешрафти фаъолияти корхонааш неруи дучанд мебахшид.
“Дар солҳои аввал ба тиҷорат машғул будам. Баъдан фикр кардам, ки бояд корхонае таъсис диҳам, ки дар баробари таъмини занону духтарон бо ҷойи кор маҳсулоташ рақобатпазир бошад, содиротӣ бошад. Омӯзишҳои пайваста, мушоҳидаҳо маро водор намуд, ки дар самти коркарди меваи хушк ва банду басти замонавии он корхонае таъсис диҳам. Дар кишваре, ки мо зиндагӣ дорем, беҳтарин навъи меваҳои аз лиҳози экологӣ тоза парвариш карда мешаванд. Барои чӣ мо онро ба ҷаҳониён пешниҳод накунем? Ҳамин тавр, идеяи таъсиси “Донаи Алмос” ба вуҷуд омад. Шароиту имконоти фароҳамгардида, дастгирии соҳибкорӣ, бахусус таваҷҷуҳ ба занони соҳибкор имкон дод, ки дар амалӣ шудани нақшаҳоям муваффақ гардам. Ин ҳама аз баракати Истиқлол ва сиёсати хирадмандонаи Пешвои миллат муҳтарам Эмомалӣ Раҳмон мебошад”, - иброз намуд Озодамоҳ Ҳазратзода.
Ин зани соҳибкор нақша дорад, ки дар ҶДММ “Донаи Алмос” ҳаҷми истеҳсоли маҳсулот ва содироти мева дар шакли хушк афзун ва ҳамзамон ҷойҳои нави корӣ давра ба давра зиёд намояд. Ҳоло дар ҷамъият беш аз 40 нафар бо ҷойи кор ва маоши хуб таъмин шудаанд. Дар ин корхона ҳосили тут аз Вилояти Мухтори Кӯҳистони Бадахшон, зардолу аз минтақаҳои гуногуни вилояти Суғд ва дигар навъҳои мева аз гӯшаҳои дигари вилояти Хатлон оварда шуда, баъди коркард ва дар шакли замонавӣ бандубаст карда мешавад.
- Дар асоси дастуру супоришҳои Пешвои миллат муҳтарам Эмомалӣ Раҳмон Ҷамъияти дорои масъулияти маҳдуди “Донаи Алмос” ба кишварҳои Туркия, Германия, Озорбойҷон, Ироқ, Русия, Қазоқистону Узбекистон, Афғонистон, дигар кишварҳои дуру наздик содироти маҳсулотро ба роҳ мондааст. Таҷрибаҳо нишон дод, ки талабот ба меваҳои шаҳдбори Тоҷикистон дар ҷаҳон хеле зиёд аст. Мо кӯшиш карда истодаем, ки ҳаҷми истеҳсоли маҳсулотро зиёд намоем. Барои ин дар кишвар иқтидору имконот ҳаст, танҳо шавқу завқ лозим.
Аз суҳбат маълум гардид, ки Озодамоҳ Ҳазратзода ҳамчун зани соҳибкор саҳмгузорӣ дар рушди соҳаи саноат, афзун намудани ҳаҷми истеҳсоли маҳсулот, таъсиси ҷойҳои нави корӣ, истифодаи иқтидорҳои мавҷудаи содиротӣ ва ободии Ватанро рисолати аслии хеш медонад. Ҳамин аст, ки дар амалӣ шудани нақшаҳои созанда камари ҳиммат баста, талош намуда истодааст, ки ба боварии Пешвои миллат, ки ҳамеша аз саҳми занони соҳибкор ёдовар мешаванд, сазовор гардад. Фаъолияти чунин занон далели равшан аст, ки дар Тоҷикистони соҳибистиқлол ба рушди соҳибкорӣ, бахусус фаъоляти занони соҳибкор таваҷҷуҳ равона гардида, иқдому талош ва ташаббусҳои созандаи онҳо ҳамеша дастгирӣ карда мешавад.
“Бовар кунед, мо занони тоҷик занони хуштолеъ ва босаодат ҳастем. Дар кишваре зиндагӣ дорем, ки барои баланд бардоштани нақши зан дар ҷомеа ҳамеша таваҷҷуҳи хосса дода мешавад. Имрӯз дар ҳамаи самту соҳаҳо занон кору фаъолият доранд".
АЗ ОРЗУ ТО АМАЛ
Таъсиси “Донаи Алмос”, ки маҳсулоташ дар кишварҳои дуру наздик харидорони зиёд пайдо намудааст, барои ин духтари кӯҳистонӣ осон набуд. Азму талошаш имкон дод, ки орзуҳо ба воқеъият табдил ёбанд. Ҳоло нақшаҳои нав амалӣ ва ҷуғрофияи содироти маҳсулот аз ҷониби Ҷамъияти дорои масъулияти маҳдуди “Донаи Алмос” васеъ мегардад. Барои амалӣ шудани ин нақшаҳои нек дар вилояти Суғд зарфияти зиёд мавҷуд аст. Муҳимтаринаш ин аст, ки дар партави сиёсати хирадмандонаи Пешвои миллат муҳтарам Эмомалӣ Раҳмон барои боз ҳам беҳтар шудани фазои сармоягузорӣ, фаъолтяти соҳибкорӣ дар вилоят тадбирҳои муҳиму созанда амалӣ мешаванд.
Қаҳрамони мо дар интиҳои суҳбат гуфт: “Ман аз он ифтихор дорам, ки бо иштироки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон 18 ноябри соли равон корхонаи коркард ва бандубасти меваи хушки ҶДММ “Донаи алмос” ифтитоҳ гардид. Ҳузури Пешвои муаззами миллат дар ин рӯзи муҳимтарини ҳаёти ман ба мо, оилаи мо, ҷомеаи меҳнатии мо руҳу илҳоми хосса бахшид. Ҳидоятҳои Сарвари давлатро сармашқи кору фаъолият қарор дода, барои ноил шудан ба дастовардҳои муҳими меҳнатӣ талош менамоям. Дар оянда барои ободии ватан, таъсиси ҷойҳои нави корӣ ва муаррифии Тоҷикистони азизам аз ҳамаи имконот истифода мебарам”.
Субҳиддин ҚОДИРОВ, “ҶТ”
Яке аз чунин бонувон Озодамоҳ Ҳазратзода мебошад. Ӯро дар вилояти Суғд ҳамчун зани соҳибкору ватандӯст мешиносанд. Зеро фаъолияти назарраси имрӯзаи Ҷамъияти дорои масъулияти маҳдуди “Донаи Алмос” ба номи ӯ марбут аст. “Донаи Алмос” аз дили кӯҳистон сарчашма гирифта, то ба дили Аврупо ва дигар кишварҳои дуру наздик рафта мерасад.
Зимни сафари кории хеш Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба шаҳру ноҳияҳои вилояти Суғд дар Минтақаи озоди иқтисодии Суғд корхонаи коркард ва бандубасти меваи хушки Ҷамъияти дорои масъулияти маҳдуди “Донаи алмос”-ро мавриди баҳрабардорӣ қарор доданд. Мавриди зикр аст, ки ин корхона дар доираи шарикии давлат бо бахши хусусӣ аз ҷониби соҳибкори ватанӣ Озода Ҳазратзода бунёд шудааст. Самти фаъолияти корхонаи мазкур коркард, бастубанд ва содироти меваи хушк буда, дар он зиёда аз 20 навъи маҳсулот, аз ҷумла, зардолуи хушки донакдор, писта, олуча, гулхор, чормағзи заминӣ, тут ва омехтаи як қатор меваҳои хушк омода карда мешавад. Гуфта мешавад, ки корхона бо дастгоҳҳои навини хориҷӣ муҷаҳҳаз буда, дорои тавоноии коркарди то 2000 тонна мева дар як сол ва бастабандии маҳсулот дар шаклҳои гуногун мебошад. Меваи хушке, ки дар корхона коркард мешавад, мувофиқи стандартҳои байналмилалӣ омода гардида, ба зиёда аз 30 кишвар, аз ҷумла, Олмон, Русия, Чин, Беларус, Озарбойҷон, Эрон, Туркия ва Амороти Муттаҳидаи Араб содирот карда мешавад. Мағзи зардолу аз ин ҷо ба Олмон барои истифода дар коркарди шир содир карда мешавад.
Доир ба фаъолият, нақшаҳои нав ва тасмимҳои созандаи ҶДММ “Донаи Алмос” бо роҳбари он ҳамсуҳбат шудем.
Зимни суҳбат бо Озодамоҳ Ҳазратзода маъмул гардид, ки дар заминаи дастгириҳои давлатӣ, шароити фароҳамнамудаи Пешвои миллат муҳтарам Эмомалӣ Раҳмон номбурда Ҷамъияти дорои масъулияти маҳдуди “Донаи Алмос”-ро дар вилояти Суғд таъсис медиҳад. Ҳоло ҷамъияти мазкур, ки дар минтақаи озоди иқтисодии “Суғд” фаъолият дорад, асосан ба коркард ва банду басти меваҳои шаҳдбор машғул буда, содироти маҳсулотро ба кишварҳои дуру наздик ба роҳ мондааст. Ба гуфти қаҳрамони мо дар ибтидо барои ба роҳ мондану ривоҷи фаъолият барояш осон набуд. Зеро дар ин ҷода таҷрибаи хуб, донистани набзи иқтисод, талаботи бозори ҷаҳон ва чандин масъалаҳои дигар пешорӯи ӯ қарор доштанд. Озодамоҳ мегӯяд, ки ҳидоятҳои пайвастаи Пешвои миллат муҳтарам Эмомалӣ Раҳмон ӯро ҳамеша руҳбаланд менамуд ва барои пешрафти фаъолияти корхонааш неруи дучанд мебахшид.
“Дар солҳои аввал ба тиҷорат машғул будам. Баъдан фикр кардам, ки бояд корхонае таъсис диҳам, ки дар баробари таъмини занону духтарон бо ҷойи кор маҳсулоташ рақобатпазир бошад, содиротӣ бошад. Омӯзишҳои пайваста, мушоҳидаҳо маро водор намуд, ки дар самти коркарди меваи хушк ва банду басти замонавии он корхонае таъсис диҳам. Дар кишваре, ки мо зиндагӣ дорем, беҳтарин навъи меваҳои аз лиҳози экологӣ тоза парвариш карда мешаванд. Барои чӣ мо онро ба ҷаҳониён пешниҳод накунем? Ҳамин тавр, идеяи таъсиси “Донаи Алмос” ба вуҷуд омад. Шароиту имконоти фароҳамгардида, дастгирии соҳибкорӣ, бахусус таваҷҷуҳ ба занони соҳибкор имкон дод, ки дар амалӣ шудани нақшаҳоям муваффақ гардам. Ин ҳама аз баракати Истиқлол ва сиёсати хирадмандонаи Пешвои миллат муҳтарам Эмомалӣ Раҳмон мебошад”, - иброз намуд Озодамоҳ Ҳазратзода.
Ин зани соҳибкор нақша дорад, ки дар ҶДММ “Донаи Алмос” ҳаҷми истеҳсоли маҳсулот ва содироти мева дар шакли хушк афзун ва ҳамзамон ҷойҳои нави корӣ давра ба давра зиёд намояд. Ҳоло дар ҷамъият беш аз 40 нафар бо ҷойи кор ва маоши хуб таъмин шудаанд. Дар ин корхона ҳосили тут аз Вилояти Мухтори Кӯҳистони Бадахшон, зардолу аз минтақаҳои гуногуни вилояти Суғд ва дигар навъҳои мева аз гӯшаҳои дигари вилояти Хатлон оварда шуда, баъди коркард ва дар шакли замонавӣ бандубаст карда мешавад.
- Дар асоси дастуру супоришҳои Пешвои миллат муҳтарам Эмомалӣ Раҳмон Ҷамъияти дорои масъулияти маҳдуди “Донаи Алмос” ба кишварҳои Туркия, Германия, Озорбойҷон, Ироқ, Русия, Қазоқистону Узбекистон, Афғонистон, дигар кишварҳои дуру наздик содироти маҳсулотро ба роҳ мондааст. Таҷрибаҳо нишон дод, ки талабот ба меваҳои шаҳдбори Тоҷикистон дар ҷаҳон хеле зиёд аст. Мо кӯшиш карда истодаем, ки ҳаҷми истеҳсоли маҳсулотро зиёд намоем. Барои ин дар кишвар иқтидору имконот ҳаст, танҳо шавқу завқ лозим.
Аз суҳбат маълум гардид, ки Озодамоҳ Ҳазратзода ҳамчун зани соҳибкор саҳмгузорӣ дар рушди соҳаи саноат, афзун намудани ҳаҷми истеҳсоли маҳсулот, таъсиси ҷойҳои нави корӣ, истифодаи иқтидорҳои мавҷудаи содиротӣ ва ободии Ватанро рисолати аслии хеш медонад. Ҳамин аст, ки дар амалӣ шудани нақшаҳои созанда камари ҳиммат баста, талош намуда истодааст, ки ба боварии Пешвои миллат, ки ҳамеша аз саҳми занони соҳибкор ёдовар мешаванд, сазовор гардад. Фаъолияти чунин занон далели равшан аст, ки дар Тоҷикистони соҳибистиқлол ба рушди соҳибкорӣ, бахусус фаъоляти занони соҳибкор таваҷҷуҳ равона гардида, иқдому талош ва ташаббусҳои созандаи онҳо ҳамеша дастгирӣ карда мешавад.
“Бовар кунед, мо занони тоҷик занони хуштолеъ ва босаодат ҳастем. Дар кишваре зиндагӣ дорем, ки барои баланд бардоштани нақши зан дар ҷомеа ҳамеша таваҷҷуҳи хосса дода мешавад. Имрӯз дар ҳамаи самту соҳаҳо занон кору фаъолият доранд".
АЗ ОРЗУ ТО АМАЛ
Таъсиси “Донаи Алмос”, ки маҳсулоташ дар кишварҳои дуру наздик харидорони зиёд пайдо намудааст, барои ин духтари кӯҳистонӣ осон набуд. Азму талошаш имкон дод, ки орзуҳо ба воқеъият табдил ёбанд. Ҳоло нақшаҳои нав амалӣ ва ҷуғрофияи содироти маҳсулот аз ҷониби Ҷамъияти дорои масъулияти маҳдуди “Донаи Алмос” васеъ мегардад. Барои амалӣ шудани ин нақшаҳои нек дар вилояти Суғд зарфияти зиёд мавҷуд аст. Муҳимтаринаш ин аст, ки дар партави сиёсати хирадмандонаи Пешвои миллат муҳтарам Эмомалӣ Раҳмон барои боз ҳам беҳтар шудани фазои сармоягузорӣ, фаъолтяти соҳибкорӣ дар вилоят тадбирҳои муҳиму созанда амалӣ мешаванд.
Қаҳрамони мо дар интиҳои суҳбат гуфт: “Ман аз он ифтихор дорам, ки бо иштироки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон 18 ноябри соли равон корхонаи коркард ва бандубасти меваи хушки ҶДММ “Донаи алмос” ифтитоҳ гардид. Ҳузури Пешвои муаззами миллат дар ин рӯзи муҳимтарини ҳаёти ман ба мо, оилаи мо, ҷомеаи меҳнатии мо руҳу илҳоми хосса бахшид. Ҳидоятҳои Сарвари давлатро сармашқи кору фаъолият қарор дода, барои ноил шудан ба дастовардҳои муҳими меҳнатӣ талош менамоям. Дар оянда барои ободии ватан, таъсиси ҷойҳои нави корӣ ва муаррифии Тоҷикистони азизам аз ҳамаи имконот истифода мебарам”.
Субҳиддин ҚОДИРОВ, “ҶТ”
Хабарҳои дигар
Рӯзнома
Эзоҳи худро нависед