Донишгоҳи давлатии омӯзгории Тоҷикистон ба номи С. Айнӣ дар рейтинг (раддабандӣ)-и муассисаҳои олии касбии Ҷумҳурии Тоҷикистон дар рӯйхати Вазорати маорифи Ҷумҳурии Мардумии Чин ҷойи аввалро соҳиб гардид.

Дар ин бора имрӯз Аҳлиддин Ибодуллоев, ректори Донишгоҳ зимни нишасти хабариаш ба рӯзноманигрон иттилоъ дод.

- Имрӯз боиси ифтихор аст, ки дар байни муассисаҳои таҳсилоти ҷумҳурӣ, Ҷумҳурии Мардумии Чин дар партави Вазорати маориф ва илмаш ДДОТ-ро барои шаҳрвандони худ дар мадди аввал гузоштааст"-зикр кард ректор.

Зикр гардид, ки чунин баҳогузориро Вазорати маорифи Ҷумҳурии Мардумии Чин вобаста ба таваҷҷуҳе, ки довталабони Чин нисбат ба Донишгоҳи давлатии омӯзгории Тоҷикистон доранд, ба инобат гирифтааст.

Гуфта мешавад, ки Донишгоҳи давлатии омӯзгории Тоҷикистон ба номи Садриддин Айнӣ дар самти муносибатҳои байналмилалӣ айни ҳол бо зиёда аз 120 муассисаи илмӣ ва таълимии давлатҳои хориҷи дуру наздик шартномаҳои ҳамкориро ба роҳ мондааст.