28 октябр дар толори маҷлисгоҳи Кумитаи кор бо ҷавонон ва варзиши назди Ҳукумати Ҷумҳурии Тоҷикистон дарси навбатии маҳфили омӯзишии “Пайравони Пешвои миллат” доир шуд.

Дар чорабинӣ Гулаҳмадзода Зулфиқор Аҳмад, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Маликшо Неъматзода, муовини якуми Раиси Ҳизби Халқии Демократии Тоҷикистон ва шунавандагони курси омӯзишӣ ширкат варзиданд.

Маҳфил бо сухани ифтитоҳии раиси Кумита Гулаҳмадзода Зулфиқор Аҳмад оғоз гардид. Ӯ иштирокчиёнро бо мақсад ва аҳаммияти баргузории чунин маҳфилҳои омӯзишӣ шинос намуда, таъкид кард, ки ташаккули ҷаҳонбинии миллӣ ва эҳсоси худшиносиву ватандӯстӣ миёни ҷавонон яке аз самтҳои асосии фаъолияти Кумита ба ҳисоб меравад.

Баъдан, Маликшо Неъматзода, муовини якуми Раиси Ҳизби Халқии Демократии Тоҷикистон суханронӣ намуд.

Гуфта шуд, ки ҷавонон ояндагони миллат ба ҳисоб рафта, бояд онҳо дар пешрафти меҳан саҳмгузор бошанд. Зеро имрӯз аз тарафи давлату Ҳукумати кишвар зери сиёсати хирадмандонаи Пешвои миллат муҳтарам Эмомалӣ Раҳмон баҳри илмомӯзии ҷавонон тамоми шароитҳо фароҳам оварда шудааст. Ҷавононро мебояд аз ин ҳама имкониятҳо самаранок истифода баранду муаррифгари кишвар дар дохил ва хориҷи меҳан бошанд.

“ҶТ”