8 август дар нишасти хабарии Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон гуфта шуд, дар ҷумҳурӣ шумораи умумии нафақагирон 858 ҳазору 191 нафарро ташкил медиҳад.

Ба гуфтаи Абдураҳмон Ҳалимзод, директори Агентии мазкур шумораи умумии маъюбон зиёда аз 170 ҳазор нафар мебошад. Ҳамзамон, дар ин давра ба беш аз 58 ҳазор нафар нафақа таъин шуда, нафақаи 37 ҳазор нафар бо сабабҳои гуногун қатъ карда шудааст.

Дар идома зикр гардид, ки дар давраи ҳисоботӣ маблағгузории пардохти нафақа ба андозаи 2 млрд 485 млн сомонӣ таъмин гардида, нисбат ба ҳамин давраи соли гузашта 632 млн сомонӣ афзоиш ёфтааст ва айни замон дар ҷумҳурӣ аз пардохти нафақа қарздорӣ вуҷуд надорад.

Г. КАРИМОВА, “ҶТ”