Дар Донишгоҳи техникии Тоҷикистон ба номи академик Осимӣ наздик ба 700 нафар донишҷӯёни хориҷӣ таҳсил мекунанд.

Дар ин бора Қудрат Давлатзода, ректори донишгоҳи мазкур 29-уми январ зимни нишасти матбуотӣ иттилоъ дод.

Номбурда қайд кард, ки донишҷуёни мазкур шаҳрвандони кишварҳои Узбекистон, Афғонистон, Туркманистон, Русия, Қирғизистон, Чин ва Қатар буда, дар зинаҳои гуногун таҳсил менамоянд.

- Танҳо дар соли таҳсили 2024/2025 110 нафар донишҷӯи хориҷӣ аз 6 давлат - Узбекистон, Русия, Афғонистон, Ҷумҳурии Мардумии Чин, Туркманистон ва Ҳиндустон ба донишгоҳ қабул гардиданд, ки аз ин 2 нафар дар асоси бурсияҳои ҷудошудаи Ҳукумати Ҷумҳурии Тоҷикистон барои шаҳрвандони хориҷӣ ва 108 нафар ба тариқи шартномавӣ қабул гардиданд, ки нисбат ба соли гузашта 16,3% зиёд аст. Таҳлилҳо нишон медиҳад, ки зиёдшавии теъдоди қабул ба кушодашии ихтисосҳои муштарак бо Ҷумҳурии Ӯзбекистон алоқамандӣ дорад - гуфт ректори Донишгоҳ.

Ҳошим РАҲМАТУЛЛОЕВ, “ҶТ”