Агентии хоҷагии ҷангали назди Ҳукумати Ҷумҳурии Тоҷикистон соли сипаришуда нисбат ба ҳуқуқвайронкунандагон 1686 адад санад тартиб додааст.

Дар ин бора имрӯз Давлаталӣ Шарифзода, муовини директори Агентии мазкур зимни нишасти матбуотӣ ба рӯзноманигорон иттилоъ дод.

Гуфта шуд, ки дар пайи ҳуқуқвайронкуниҳо зарари он маблағи 4 млн. 151,9 ҳазор сомониро ташкил дода, аз он дар ҳаҷми 884,9 ҳазор сомонӣ барқарор карда шуд. Илова гардид, ки 68 адад санад ба маблағи 25 ҳазор сомонӣ ба шикори беиҷозат рабт дорад.

Ҳамчунин таъкид гардид, ки дар ин муддат ба миқдори 1 ҳазору 128 адад протоколҳои ҳуқуқвайронкунии маъмурӣ дар ҳаҷми 318,9 ҳазор сомонӣ тартиб дода шуда, аз ин шумора маблағи 289,6 ҳазор сомонӣ ситонида шудааст.

Гулафшон КАРИМОВА, “ҶТ”