Дирӯз-7 май бо ташаббуси Қобилҷон Хушвахтзода, президенти Академияи миллии илмҳои Тоҷикистон барномаи омодагӣ ба озмуни ҷумҳуриявии “Илм - фурӯғи маърифат” таҳияву тасдиқ гардида, аз чоп баромад.

Дар ин хусус гурӯҳи фейсбукии Академияи миллии илмҳои Тоҷикистон итттилоъ медиҳад.

Гуфта мешавад, ки дар барномаи мазкур тарзи таҳияи саволномаҳо барои ҳар давр, номгуи мавзӯҳо ва он китобҳое, ки танҳо дар доираи онҳо саволҳо тартиб дода мешаванд, оварда шудааст.

- Минбаъд дар ҳамаи даврҳо ҳар як савол мутобиқи номгӯи мавзуъҳо ва китобҳои дар барнома овардашуда тартиб дода мешавад. Ин амал барои таъмини шаффофият барои иштирокчиёни озмун аз сартосари ҷумҳурӣ мусоидат мекунад. Дар меҳвари озмун на аъзои ҳакамон, балки барномаи озмун меистад,-омадаст дар хабар.

Зимнан шакли PDF - и китоби мазкурро аз телеграмканали Академияи миллии илмҳои Тоҷикистон бо суроғаи зерин https://t.me/akademia55/1412 дастрас кардан мумкин аст.

Гулафшон КАРИМОВА, “ҶТ”