Имрӯз - 6 август дар нишасти хабарии Агентии омори назди Президенти Ҷумҳурии Тоҷикистон иттилоъ дода шуд, ки дар шаш моҳи соли ҷорӣ дар ҷумҳурӣ бақайдгирии таваллуд 2,1 фоиз бештар шудааст.

Нурмахмадзода Ҷамшед, директори Агентии мазкур иброз намуд, ки бақайдгирии таваллуд, аз ҷумла дар вилояти Хатлон 2,6 фоиз, дар вилояти Суғд 1,5 фоиз, дар шаҳр ва ноҳияҳои тобеи ҷумҳурӣ 2,8 фоиз ва дар шаҳри Душанбе 1,1 фоиз афзоиш ёфтааст.

Ҳамзамон, гуфта шуд, ки афзоиши табиии аҳолӣ нисбат ба ҳамин давраи соли гузашта ба андозаи 2% бештар мебошад.

Гулафшон КАРИМОВА, “ҶТ”