ҶОМЕА
Шанбе 13 Июл 2024 11:01
10445
Дар шаҳри Душанбе аз 20-уми июни соли равон камераҳои автоматӣ ва радарҳои дар роҳ насбшуда фаъол карда мешаванд.

Дар ин бора аз Вазорати нақлиёти Ҷумҳурии Тоҷикистон хабар доданд.

Бино ба иттилои манбаъ таҷҳизоти номбурда панҷ намуди вайронкунии қоидаҳои ҳаракат дар роҳ, аз ҷумла баланд кардани суръати ҳаракат, набастани камарбанди бехатарӣ, таваққуф дар хатҳои дуюм ва сеюм, баромадан ба хатти муқобили ҳаракат, монеа эҷод кардан ба ҳаракати дигар воситаҳои нақлиётро сабт мекунанд.

Ҳамчунин гуфта шуд, ки дар маҷмуъ, дар шаҳр ва атрофи он, дар чорроҳаҳо, терминалҳои мусофирбарӣ, истгоҳҳо, даромадгоҳҳои шаҳр ва дар ҷойҳое, ки ҳаракати нақлиёт зиёд аст, зиёда аз 6 ҳазор адад чунин техника насб карда мешавад.

Наҷиба МУРОДБЕКОВА, “ҶТ”

Эзоҳи худро нависед



Рамзҳо дар расм