Аз 21 июл дар кишвар нишастҳои матбуотӣ оғоз мегарданд, ки вазорату идораҳо ва ташкилоту муассисаҳо оид ба ҷамъбасти натиҷаҳои фаъолияти худ дар нимсолаи аввали соли 2025 ба журналистон иттилоъ пешниҳод менамоянд .

Дар ин хусус АМИТ “Ховар” хабар медиҳад.

Гуфта мешавад, ки нақшаи ташкил ва гузаронидани нишастҳои матбуотӣ аз ҷониби Дастгоҳи иҷроияи Президенти Ҷумҳурии Тоҷикистон тасдиқ шуда, тибқи он нишастҳои матбуотӣ то 8 август идома меёбанд.

Эълонҳо оид ба вақт ва макони баргузории нишастҳои матбуотӣ ҳар рӯзи корӣ дар сомонаи АМИТ “Ховар” - www.khovar.tj ба забонҳои тоҷикӣ ва русӣ нашр мешаванд.