Дар шашмоҳаи аввлаи соли ҷорӣ дар кишвар 5672 нафар барои риоя накардани Қонуни Ҷумҳурии Тоҷикистон “Дар бораи масъулият барои таълиму тарбияи кӯдак” ҷарима шудаанд.

Дар ин бораи имрӯз - 7 август Мирзода Рустам, Раиси Суди Олӣ зимни нишасти хабарӣ иттилоъ дод.

Ба иттилои номбурда шумораи парвандаҳои ҳуқуқвайронкунии маъмурӣ ҷиҳати риоя накардани Қонуни Ҷумҳурии Тоҷикистон “Дар бораи масъулият барои таълиму тарбияи кӯдак” ба 7090 адад расида, аз ин шумора нисбати 5672 шахс ҷарима ба маблағи умумии 4 222 771 сомонӣ таъин карда шудааст.

2981 адади ин парвандаҳо дар мурофиаҳои сайёри судӣ баррасӣ гардида, бо мақсади пешгирии қонунвайронкуниҳо аз ҷониби судҳо 3104 таъиноти хусусӣ бароварда шуд, - гуфт Рустам Мирзозода.

Заррина ҚОСИМОВА, “ҶТ”