Дар Прокуратураи ҳарбии гарнизони Суғд бахшида ба Рӯзи ваҳдати миллӣ ва қабул гардидани қатънома дар бораи “Даҳсолаи байналмилалӣ оид ба таҳкими сулҳ барои наслҳои оянда, 2027-2036” аз ҷониби Созмони Милали Муттаҳид, ҳамоиш баргузор гардид.

Зимни иштирок ва суханронӣ муовини Прокурори генералӣ–сарпрокурори ҳарбӣ, генерал–лейтенанти адлия Ҳаётзода Фирдавс иброз дошт, ки дар рӯзҳои таҷлил аз 29-умин солгарди Рӯзи Ваҳдати миллӣ қабул гардидани қатънома дар бораи “Даҳсолаи байналмилалӣ оид ба таҳкими сулҳ барои наслҳои оянда, 2027-2036” бори дигар далолат аз он медиҳад, ки Тоҷикистон ҳамун кишвари сулҳхоҳу сулҳпарвар дар арсаи ҷаҳон мақоми шоиста дорад.

Зикр гардид, ки бо шарофати сиёсати хирадмандона ва дурнигаронаи фарзанди фарзонаи миллат, Президенти Ҷумҳурии Тоҷикистон муҳтарам Эмомаӣ Раҳмон дар кишвари соҳибистиқлоли мо офтоби ваҳдат нурпошӣ мекунад. Ин ваҳдату ҳамдилӣ ба осонӣ ба даст наомада, самараи азму талош ва ҷонбозиҳои Пешвои миллат муҳтарам Эмомалӣ Раҳмон аст.

Пазируфта шудани пешниҳоди навбатии Тоҷикистон ва қабул гардидани қатънома дар бораи “Даҳсолаи байналмилалӣ оид ба таҳкими сулҳ барои наслҳои оянда, 2027-2036” аз ҷониби Созмони Милали Муттаҳид далолат аз он медиҳад, ки Пешвои миллати тоҷикони ҷаҳон ҳамеша ғамхори аҳли башар буда, иқдомҳои башардӯстонаи Сарвари давлати мо аз ҷониби ҷомеаи ҷаҳонӣ хуш пазируфта мешавад.

Дар ҳамоиш зикр карда шуд, ки пойдории сулҳу субот ва ваҳдату ҳамдилӣ асоси ҳамаи пешравиҳо ва зиндагии орому осудаи мардум маҳсуб ёфта, хизматчиёни ҳарбӣ, аз ҷумла кормандони мақомоти прокуратураи ҳарбӣ дар таъмини сулҳу субот, таъмини волоияти қонун ва ҳифзи манфиатҳои милливу давлатӣ саҳми шоиста мегузоранд.

Дар фарҷоми чорабинӣ гуфта шуд, ки кормандони Прокуратураи ҳарбии гарнизони Суғд ва дигар хизматчиёни ҳарбӣ дар таҳкими ваҳдати миллӣ, пойдории суҳлу субот ва иҷрои дастуру ҳидоятҳои Пешвои миллат муҳтарам Эмомалӣ Раҳмон саҳми арзанда мегузоранд.

Субҳиддин ҚОДИРОВ, “ҶТ”