Бо ташаббуси Вазорати адлияи Ҷумҳурии Тоҷикистон ҷиҳати амалӣ намудани нақша - чорабиниҳо бахшида ба Соли маърифати ҳуқуқӣ эълон намудани соли 2024 аз 24 то 26 июни соли ҷорӣ тавассути микроавтобусҳо ёрии хуқуқии ройгон ва сабти асноди ҳолати шаҳрвандӣ дар ҷамоати Ваҳдати шаҳри Левакант ташкил карда шуд.

Дар ин бора аз Вазорати адлияи Ҷумҳурии Тоҷикистон хабар доданд.

Бино ба иттилои манбаъ тавассути ин микроавтобусҳо ҳуқуқшиносон, кормандони сабти асноди ҳолати шаҳрвандӣ ва нотариусони давлатӣ ба сокинони ҷамоати мазкур доир ба масъалаҳои ҳуқуқӣ, ба монандаи гирифтани шаҳодатномаи таваллуд, гирифтани нафақа ва дигар масъалаҳои ҳуқуқӣ машварат доданд.

Ҳадаф аз баргузор намудани чунин вохӯриҳоро масъулин пешбурди корҳои доимӣ дар самти баланд бардоштани маърифати ҳуқуқии аҳолӣ арзёбӣ карданд.

Наҷиба МУРОДБЕКОВА, “ҶТ”