Таваҷҷуҳи довталабон ба ихтисосҳои муҳандисӣ - бахусус соҳаи барқ, сохтмон ва энергетика, афзоиш ёфтааст.

Дар ин бора имрӯз - 23 июл Қудрат Давлатзода, ректори Донишгоҳи техникии Тоҷикистон ба номи академик М.С. Осимӣ нишасти матбуотӣ хабар дод.

Ректор иброз дошт, ки мувофиқи оморҳо шумораи довталабон дар соли 2025 нисбат ба соли гузашта ба таври бесобиқа зиёд шудааст. Ба гуфтаи ӯ, барои ҳар як ихтисос то 25 нафар довталаб қабул карда мешавад ва раванди таҳсил пурра мутобиқ ба талаботи бозори меҳнат ба роҳ монда шудааст.

Ин дар ҳолест, ки дар баъзе муассисаҳои таҳсилоти касбӣ шумораи довталабон то 50 фисад кам аст.

Коршиносон яке аз сабабҳои зиёд шудани таваҷҷуҳи довталабон ба ихтисосҳои муҳандисиро дар таваҷҷуҳи рӯзафзуни Ҳукумати кишвар дар ин самт арзёбӣ мекунанд..

Заррина ҚОСИМОВА, "ҶТ"