Имрӯз - 1 сентябр дар Донишкадаи тарбияи ҷисмонии Тоҷикистон ба номи Саидмумин Раҳимов ба муносибати Рӯзи дониш ва оғози соли нави таҳсил ҷамъомад доир гардид, ки дар он Зулфиқор Гулаҳмадзода, Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Амир Иброҳимзода, ректори Донишкадаи тарбияи ҷисмонии Тоҷикистон ба номи Саидмумин Раҳимов, кормандон, омӯзгорон ва донишҷӯён иштирок намуданд.

Нахуст, раёсати чорабинӣ аз гӯшаи дастовардҳои Донишкада боздид намуда, бо садо додани Суруди миллӣ ҷамъомади тантанавӣ ба кори худ оғоз намуд.



Раиси Кумита ҳайати омӯзгорону донишҷӯёнро ба ифтихори оғози соли нави хониш ва Рӯзи дониш самимона шодбош гуфта, дарҷ намуданд, ки дар ин лаҳзаҳои идона, ки мову Шумо дар остонаи таҷлили 34 - умин солгарди Истиқлоли давлатии Ҷумҳурии Тоҷикистон қарор дорем, ба ифтихори ин санаи тақдирсоз ва ҷашни бузурги миллӣ ҳамаи шуморо ба муносибати Рӯзи дониш самимона табрик намуда, ба донишҷӯён дар фатҳи қуллаҳои дониш, ба устодону омӯзгорон дар таълиму тарбияи насли наврас дастоварду комёбиҳо таманно менамоям.

- Донишҷӯёни азиз, ин муассисаи олии кишвар мактаби бузурги шахсиятсозист. Итминон дорам, ки ҳар як нафари шумо бо масъулиятшиносӣ ва меҳанпарастӣ дониш андӯхта, ҳамчун шахсиятҳои шоиста ба ҷомеа хизмат хоҳед кард. Мо аз шумо - ҷавонони донишманду ватандӯст умед дорем, ки бо дастовардҳои худ шарафи Ватанро дар арсаи миллӣ ва байналмилалӣ баланд мебардоред – изҳор дошт раиси Кумита.

Зимнан, ректори Донишкада дар бораи омодагии ҳамаҷонибаи муассиса ба оғози соли нави таҳсили 2025-2026, шароиту имкониятҳои фароҳамгардидаи мутобиқ ба стандартҳои ҷаҳонии таҳсилоти олии касбӣ суханронӣ намуд.

Сипас, дар фарҷоми чорабинӣ ба чанд нафар омӯзгорони муваффақ б туҳфаҳо тақдим гардид.