Дар шаш моҳи аввали соли равон вобаста ба вайрон кардани талаботи Қонуни Ҷумҳурии Тоҷикистон "Дар бораи танзими ҷашну маросим дар Ҷумҳурии Тоҷикистон" аз ҷониби судҳои вилояти Суғд 232 парванда баррасӣ гардида, нисбати 209 шахс ҷазо дар шакли ҷарима ба маблағи 1 миллиону 871 ҳазору 990 сомонӣ таъин карда шудааст.

Дар ин бора зимни нишасти матбуотӣ масъулини Суди вилояти Суғд ба намояндагони ВАО маълумот доданд.

Гуфта шуд, ки дар ин давра барои риоя накардани Қонуни Ҷумҳурии Тоҷикистон "Дар бораи масъулият барои таълиму тарбияи кӯдак" 1816 адад парвандаи ҳуқуқвайронкунии маъмурӣ баррасӣ гардида, нисбати 2 нафар огоҳӣ, нисбати 1556 нафар ба маблағи 1 миллиону 267 ҳазору 804 сомонӣ ҷарима таъин карда шуд.

Субҳиддин ҚОДИРОВ, "ҶТ"