Самӣ Шариф: “Нақшаи андозҳо ва дигар пардохтҳои ҳатмӣ 105,3% иҷро гардид”

-Дар натиҷаи ҷамъбасти нимсолаи якуми соли 2022, нақшаи андозҳо ва дигар пардохтҳои ҳатмии умумӣ ба андозаи 105,3 фоиз иҷро гардида, ба буҷет ба ҷои 410,0 млн. сомонӣ, 431,6 млн. сомонӣ ворид карда шуд. Аз нақшаи пешниҳодгардида 21,6 млн. сомонӣ зиёд ва нисбати ҳамин давраи соли 2021 ба маблағи 23,1 млн. сомонӣ зиёд мебошад,- қайд кард Самӣ Шариф, раиси ноҳияи Исмоили Сомонӣ 21 июл зимни нишасти матбуотӣ.

Номбурда ҳамчунин зикр кард, ки дар ин давра қисми хароҷоти буҷети маҳаллӣ ба ҷойи 83 млн. 562 ҳазор сомонӣ 83 млн. 210 ҳазор сомонӣ харҷ гардидааст, ки 99,6 фоизи нақшаи шашмоҳаро ташкил медиҳад.

Ҳошим РАҲМАТУЛЛОЕВ, “ҶТ”