Сахидод Раҳматуллозода, раиси Кумитаи забон ва истилоҳоти назди Ҳукумати Ҷумҳурии Тоҷикистон аз номгузории шаҳрвандон ба фарзандонашон изҳори нигаронӣ кард.

Раиси Кумитаи забон ва истилоҳот имрӯз 4 феврал зимни нишасти хабарӣ гуфт боиси тассуф аст, ки волидон маънои номи гузоштаи худро намедонанд.

Ӯ гуфт, ки вақте ба Кумитаи забон дар масъалаи номгузорӣ муроҷиат мешаваду вақте маънои ном аз волидон пурсида мешавад, мегӯянд, ки ба инаш таваҷҷуҳ накарданд.

- Номро фаҳмида мондан даркор, қадамро дониста гузошта мондан даркор, то ин ки маънои ном равшан бошад, - баён дошт раиси Кумитаи забон ва истилоҳоти кишвар.

Ҳамзамон, ӯ зикр кард, ки махсусан ном гузоштан ба фарзандон шаҳрвандони мо бояд хуб донанд, ки яке аз арзишҳои бузурги мо аст.

- Чаро номҳои зебои худро фаромӯш кунему рафта номҳои бегонвро гузорем?, бо нигронӣ изҳзор дошт раиси Кумита.

Ӯ илова кард, ки номҳо бояд равшан, фаҳмо ва бомантиқ бошад, ки пагоҳ фарзандон аз номи доштаи худ ор накунанд.

Фарзонаи УМАРАЛӢ, “ҶТ”