17 сентябр Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо шароити корӣ ва рафти фаъолияти Муассисаи давлатии “Мактаби маҳорати олии варзиши вилояти Суғд” дар шаҳри Хуҷанд шинос гардид.

Раиси Кумита зимни боздид бо раванди машғулиятҳои варзишӣ, шароити таълимӣ ва омодагии варзишгарон ба мусобиқаҳои сатҳи миллӣ ва байналмилалӣ аз наздик ошно шуда, бо роҳбарият ва мураббиёни муассиса суҳбат орост.

Зимни суҳбат гуфта шуд, ки дастгирии варзишгарони соҳибистеъдод, муҳайё намудани шароити зарурӣ барои тамрин ва ҷалби ҷавонон ба тарзи ҳаёти солим яке аз самтҳои афзалиятноки сиёсати давлатии соҳаи ҷавонон ва варзиш ба шумор меравад. Бо дастгирии бевоситаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар саросари кишвар заминаҳои мусоид барои рушди варзиш, бахусус тарбияи варзишгарони сатҳи байналмилалӣ фароҳам оварда шудааст.

“ҶТ”