ҶОМЕА
Панҷшанбе 07 Май 2026 10:02
Ҷумҳурии Тоҷикистон ҳифзи ҳуқуқу озодиҳои инсонро кафолат медиҳад
Ҳамасола 10-уми декабр-ро ҷомеаи ҷаҳонӣ ҳамчун Рӯзи ҳуқуқи инсон ҷашн мегирад. Ҷумҳурии Тоҷикистон ҳамчун узви комилҳуқуқи ҷомеаи ҷаҳонӣ эътирофи ҳуқуқҳои инсонро дар сиёсати дохилӣ ва байналмилалии худ муҳим мешуморад ва ин санаро гиромӣ медорад.
Ин сана ба қабули Эъломияи умумии ҳуқуқи инсон дар соли 1948 иртибот дорад. Ҷумҳурии Тоҷикистон аз 2 марти соли 1992 узви комилҳуқуқи Созмони Милали Муттаҳид буда, заминаи мустаҳкамро барои рушди ҳамкорӣ бо ниҳодҳои оинномавӣ ва шарт-номавии СММ ва дигар сохторҳои иҷроияи он гузоштааст.
Мақсад аз ҷашн гирифтани ин сана ба ҳар фард расонидани аҳамияти эҳтиром ва риояи ҳуқуқи инсон, нақши ҳуқуқи инсон дар таҳкиму рушди ҷомеа ва ҳаёти ҳар шахс мебошад.
Дар Ҷумҳурии Тоҷикистон ҳуқуқу озодиҳои шаҳрвандон то куҷо ҳифзу ҳимоя мегардад? Ё Ҳукумати кишвар кадом стратегияву барномаҳои муҳимро дар ин самт қабул намудааст? Инҳо мавзуъҳоеанд, ки мавриди баррасӣ қарор дода мешавад.
ДАСТОВАРДҲО ДАР САМТИ ҲУҚУҚИ ИНСОН
Бояд гуфт, ки дар Ҷумҳурии Тоҷикистон бо ташаббуси Ваколатдор оид ба ҳуқуқи инсон, ки яке аз ниҳодҳои калидӣ барои ҳифзи ҳуқуқи инсон дар кишвар маҳсуб меёбад, ҳамасола аввали моҳи декабр “Ҳафтаи ҳуқуқи инсон” ба роҳ монда мешавад, ки дар доираи он чанд барномаи сатҳи баланд баргузор мегардад. Дар ин чорабиниҳо самтҳои гуногуни ҳаёт ва фаъолияти шаҳрвандон ва сатҳи риояи ҳуқуқи инсон дар ҷомеа баррасӣ ва зери таваҷҷуҳ қарор дода мешавад.
Ғайр аз ин, дар ин маврид Пешвои миллат муҳтарам Эмомалӣ Раҳмон дар тамоми суханрониҳояшон аз ҳифзи ҳуқуқу озодиҳои шаҳрвандони кишвар мегӯянду таъкид менамоянд, ки ин арзиши волои инсонӣ ҳамеша дар мадди аввал қарор дода шавад.
Аз ҷумла, дар яке аз суханрониҳояшон Сарвари давлат чунин зикр намуданд, ки: “Рушди давлати демократӣ, ҳуқуқбунёд ва дунявӣ ба сатҳи дониш ва маърифати ҳуқуқии аҳолӣ вобастагии зиёд дорад”.
Инчунин, Президенти кишвар зикр намуданд, ки масъалаи дигари муҳим, ки дар низоми ҳуқуқии кишвар нақши калидӣ дорад, таъмини волоияти қонун буда, он меҳвари фаъолияти мақомоти ҳокимияти судӣ ва ҳифзи ҳуқуқ ба ҳисоб меравад.
“Таъмин намудани дастрасӣ ба адолати судӣ ва иттилоот оид ба фаъолияти судҳо, муҳокимаи ошкоро ва одилонаи судӣ ба таҳкими қонуният, пешгирӣ кардани содиршавии ҷиноят, эҳтиром ба қонун ва ҳифзи ҳуқуқу озодиҳои инсон ва шаҳрванд мусоидат менамояд”, - таъкид намуданд Сарвари давлат.
Чӣ гунае мақомоти Ваколатдор оид ба ҳуқуқи инсон иттилоъ медиҳад, солҳои 2010-2023 се маротиба расмиёти шарҳи гузоришҳои миллии худро ба мақомоти шартномавии СММ оид ба ҳуқуқи инсон пешниҳод намуда, ҷиҳати ташрифи 11 мандати мавзуии расмиёти махсус мусоидат намудааст. Дар натиҷа ба Тоҷикистон дар маҷмуъ зиёда аз ҳазор тавсияҳо дода шуданд, ки масъалаҳои ҳуқуқи инсонро дар бар мегиранд.
Ба гуфтаи Умед Бобозода, Ваколатдор оид ба ҳуқуқи инсон дар Ҷумҳурии Тоҷикистон мазмуну моҳияти меъёрҳои конститутсионии соҳаи ҳуқуқи инсон дар он ифода меёбад, ки ҳуқуқу озодиҳои инсон ба воситаи Конститутсия, санадҳои меъёрии ҳуқуқии миллӣ ва санадҳои ҳуқуқии байналмилалие, ки Тоҷикистон онҳоро эътироф намудааст, ҳифз мегарданд.
“Ҳанӯз соли 1994 Конститутсияи Ҷумҳурии Тоҷикистон устувории ҳуқуқи инсон ва озодиҳои асосии ӯро эътироф намуда, муқаррар намуда буд, ки инсон, ҳуқуқ ва озодиҳои ӯ арзиши олӣ буда, давлат онҳоро эътироф, риоя ва ҳифз менамояд. Бо такя ба ин муқаррарот ва меъёрҳои дигари барномавӣ ислоҳоти ҳуқуқӣ амалӣ гардида, механизмҳои ҳифзи ҳуқуқи инсон таъсис дода шуданд”, - баён доштааст Умед Бобозода.
Ҳамзамон, ба гуфтаи ӯ, дар Ҷумҳурии Тоҷикистон ҷиҳати ҳифзи ҳамаҷонибаи ҳуқуқи инсон дар ҳама самтҳо, инчунин ҷиҳати иҷрои уҳдадориҳои байналмилалӣ дар самти ҳуқуқи инсон пайваста тадбирҳои судманд амалӣ гардида, санадҳои муҳими стратегӣ қабул мегарданд.
ҚАБУЛИ СТРАТЕГИЯВУ БАРНОМАҲОИ МИЛЛӢ
Бояд гуфт, ки Ҷумҳурии Тоҷикистон дар самти ҳифзи ҳуқуқи инсон як қатор стратегияҳо ва барномаҳои давлатӣ қабул намудааст, ки ба таҳкими ҳуқуқ ва озодиҳои шаҳрвандон, пешбурди баробарии гендерӣ, ҳифзи гурӯҳҳои осебпазир ва рушди ҷомеаи демократӣ равона гардидаанд.
Аз ҷумла, 5 августи соли равон дар кишвар “Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон барои давраи то соли 2038” тасдиқ гардидааст, ки он ҳамаи нақшаҳои миллии мавҷуда ва қабулшаванда оид ба иҷрои тавсияҳои ниҳодҳои СММ оид ба ҳуқуқи инсон ва ҳуҷҷатҳои дигарро дар самти ҳуқуқи инсон ҳамоҳанг сохта, механизм ва расмиёти иҷрои уҳдадориҳои байналмилалиро дар самти ҳуқуқи инсон такмил медиҳад.
Ҳадафи асосии Стратегияи миллӣ таъмини афзалияти ҳуқуқу озодиҳои инсон ҳамчун омили асосии сиёсати давлатӣ, ки самти рушди қонунгузорӣ, сиёсат ва амалияи қонунтатбиқкуниро ҳангоми қабули қарор аз ҷониби мақомоти давлатӣ муайян менамояд, арзёбӣ мегардад.
Ба гуфтаи коршиносони соҳа, Стратегияи миллӣ ҳадафҳои дарозмуддат ва вазифаҳо дар самти ҳуқуқи инсонро муайян намуда, масъалаи таҳияи сиёсати пешрафта ва ягонаи байнисоҳавиро, ки ба мустаҳкам намудани ҳимоя ва пешбурди ҳуқуқи инсон дар мамлакат равона шудааст, пешбинӣ менамояд.
Инчунин, Стратегияи миллии рушди Ҷумҳурии Тоҷикистон барои давраи то соли 2030 қабул гардидааст, ки ин ҳуҷҷат ба рушди устувори иҷтимоиву иқтисодӣ, аз ҷумла, таъмини ҳуқуқ ба маориф, тандурустӣ, шуғл ва ҳифзи иҷтимоӣ равона шудааст. Ҳадафи он коҳиш додани камбизоатӣ ва дастгирии гурӯҳҳои осебпазир ба ҳисоб меравад.
Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон низ амал мекунад, ки он бо дастгирии шарикони байналмилалӣ таҳия шудааст, ҳифзи ҳуқуқҳои шаҳрвандонро тавассути ҳамкориҳои байналмилалӣ ва ислоҳоти қонунгузорӣ таъмин менамояд.
Аз ҷумла, дар ҷумҳурӣ барномаҳое низ амал мекунанд, ки ба ҳифзи ҳуқуқу озодиҳои шаҳрвандон равона гардидаанд.
Барномаи “Таъмини баробарии гендерӣ ва тавонмандсозии занону духтарон” яке аз барномаҳоест, ки барои баланд бардоштани нақши занон дар ҷомеа ва таъмини баробарии гендерӣ саъю кӯшиш дорад. Ин барнома занонро дар сиёсати давлатӣ ва иқтисодиёт дастгирӣ намуда, ҳуқуқ ва имкониятҳои онҳоро густариш медиҳад.
Барномаи миллӣ оид ба ислоҳоти низоми ҳифзи кӯдак дар Тоҷикистон низ барои таъмини шароитҳои беҳтар дар соҳаи маориф, тандурустӣ ва ҳифзи кӯдакон, инчунин, пешгирии меҳнати кӯдакон равона гардидааст.
Барномаи мубориза бо шиканҷа ва муносибати ғайриинсонӣ ташаббуси дигаре баҳри ҳифзи ҳуқуқи инсон аст, ки Ҳукумати кившар барои пешгирӣ ва барҳам додани шиканҷа онро рӯи даст гирифтааст.
ЭЪЛОНИ СОЛИ МАЪРИФАТИ ҲУҚУҚӢ
Ҷумҳурии Тоҷикистон дар соҳаи ҳуқуқи инсон ба пешравиҳо ноил гардидааст, вале ҳуқуқшиносон бар он назаранд, ки ҳанӯз ҳам бояд дар кишвар маърифати ҳуқуқии аҳолӣ баланд бардошта шавад.
Эълон намудани соли 2024 ҳамчун Соли маърифати ҳуқуқӣ низ беҳуда нест. Аз ҷумла, Президенти Ҷумҳурии Тоҷикистон муҳтарам Эмомалӣ Раҳмон дар мулоқоти ахирашон бо кормандони мақомоти судии кишвар, ки 5-уми декабри соли равон сурат гирифт, чунин зикр намуданд: “Чунонки борҳо таъкид кардаам, баланд бардоштани маърифати ҳуқуқии аҳолӣ яке аз роҳҳои муассири пешгирӣ кардани қонунвайронкуниҳо мебошад. Ҳадафи асосии Соли маърифати ҳуқуқӣ эълон гардидани соли 2024 низ аз ҳамин иборат буд”.
Инчунин, Президенти кишвар дар мулоқот бо фаъолон, намояндагони ҷомеа ва ходимони динии мамлакат зикр намуданд, ки мақсад аз қабули қарор дар бораи соли 2024 Соли маърифати ҳуқуқӣ эълон гардидан, ин баланд бардоштани сатҳи маърифати ҳуқуқии шаҳрвандон, тарғиби арзишҳои демократӣ, мустаҳкам намудани ҳимояи ҳуқуқи инсон мебошад.
- Тарбияи шаҳрвандон дар руҳияи эҳтиром нисбат ба қонун ва таъмин намудани волоияти он, ба роҳ мондани усули ҳамкории самараноки давлат ва ниҳодҳои ҷомеаи шаҳрвандӣ дар самти маърифати ҳуқуқии шаҳрвандон аз ҷумлаи ҳадафҳои аслии Соли маърифати ҳуқуқӣ мебошад, - баён доштанд Пешвои миллат.
Бояд гуфт, ки эълон намудани Соли маърифати ҳуқуқӣ дар кишвар ташаббуси муҳим буда, он на танҳо маърифати ҳуқуқии аҳолиро баланд мебардорад, балки ба пешрафти ҷомеаи мутамаддин замина мегузорад. Дар ин замина, ҳамчунин он барои ҳамкорӣ байни ниҳодҳои давлатӣ, ташкилотҳои ҷамъиятӣ ва ҳар як фарди ҷомеа нақши муҳим мебозад.
Метавон гуфт, ки ҷашн гирифтани Рӯзи ҳуқуқи инсон дар кишвар ва пуштибонӣ аз ҳуқуқу озодиҳои шаҳрвандон фурсати муҳиме барои таҳкими фаъолиятҳо дар самти ҳифзи ҳуқуқ ва озодиҳо ба шумор меравад. Ҷумҳурии Тоҷикистон ҳамеша ба рушди ҳуқуқи инсон таваҷҷуҳи хосса зоҳир намуда, кӯшиш менамояд, ки ҳуқуқҳои ҳар як шаҳрванд ҳифз карда шаванд.
Фарзонаи УМАРАЛӢ, “ҶТ”
Ҳамасола 10-уми декабр-ро ҷомеаи ҷаҳонӣ ҳамчун Рӯзи ҳуқуқи инсон ҷашн мегирад. Ҷумҳурии Тоҷикистон ҳамчун узви комилҳуқуқи ҷомеаи ҷаҳонӣ эътирофи ҳуқуқҳои инсонро дар сиёсати дохилӣ ва байналмилалии худ муҳим мешуморад ва ин санаро гиромӣ медорад.
Ин сана ба қабули Эъломияи умумии ҳуқуқи инсон дар соли 1948 иртибот дорад. Ҷумҳурии Тоҷикистон аз 2 марти соли 1992 узви комилҳуқуқи Созмони Милали Муттаҳид буда, заминаи мустаҳкамро барои рушди ҳамкорӣ бо ниҳодҳои оинномавӣ ва шарт-номавии СММ ва дигар сохторҳои иҷроияи он гузоштааст.
Мақсад аз ҷашн гирифтани ин сана ба ҳар фард расонидани аҳамияти эҳтиром ва риояи ҳуқуқи инсон, нақши ҳуқуқи инсон дар таҳкиму рушди ҷомеа ва ҳаёти ҳар шахс мебошад.
Дар Ҷумҳурии Тоҷикистон ҳуқуқу озодиҳои шаҳрвандон то куҷо ҳифзу ҳимоя мегардад? Ё Ҳукумати кишвар кадом стратегияву барномаҳои муҳимро дар ин самт қабул намудааст? Инҳо мавзуъҳоеанд, ки мавриди баррасӣ қарор дода мешавад.
ДАСТОВАРДҲО ДАР САМТИ ҲУҚУҚИ ИНСОН
Бояд гуфт, ки дар Ҷумҳурии Тоҷикистон бо ташаббуси Ваколатдор оид ба ҳуқуқи инсон, ки яке аз ниҳодҳои калидӣ барои ҳифзи ҳуқуқи инсон дар кишвар маҳсуб меёбад, ҳамасола аввали моҳи декабр “Ҳафтаи ҳуқуқи инсон” ба роҳ монда мешавад, ки дар доираи он чанд барномаи сатҳи баланд баргузор мегардад. Дар ин чорабиниҳо самтҳои гуногуни ҳаёт ва фаъолияти шаҳрвандон ва сатҳи риояи ҳуқуқи инсон дар ҷомеа баррасӣ ва зери таваҷҷуҳ қарор дода мешавад.
Ғайр аз ин, дар ин маврид Пешвои миллат муҳтарам Эмомалӣ Раҳмон дар тамоми суханрониҳояшон аз ҳифзи ҳуқуқу озодиҳои шаҳрвандони кишвар мегӯянду таъкид менамоянд, ки ин арзиши волои инсонӣ ҳамеша дар мадди аввал қарор дода шавад.
Аз ҷумла, дар яке аз суханрониҳояшон Сарвари давлат чунин зикр намуданд, ки: “Рушди давлати демократӣ, ҳуқуқбунёд ва дунявӣ ба сатҳи дониш ва маърифати ҳуқуқии аҳолӣ вобастагии зиёд дорад”.
Инчунин, Президенти кишвар зикр намуданд, ки масъалаи дигари муҳим, ки дар низоми ҳуқуқии кишвар нақши калидӣ дорад, таъмини волоияти қонун буда, он меҳвари фаъолияти мақомоти ҳокимияти судӣ ва ҳифзи ҳуқуқ ба ҳисоб меравад.
“Таъмин намудани дастрасӣ ба адолати судӣ ва иттилоот оид ба фаъолияти судҳо, муҳокимаи ошкоро ва одилонаи судӣ ба таҳкими қонуният, пешгирӣ кардани содиршавии ҷиноят, эҳтиром ба қонун ва ҳифзи ҳуқуқу озодиҳои инсон ва шаҳрванд мусоидат менамояд”, - таъкид намуданд Сарвари давлат.
Чӣ гунае мақомоти Ваколатдор оид ба ҳуқуқи инсон иттилоъ медиҳад, солҳои 2010-2023 се маротиба расмиёти шарҳи гузоришҳои миллии худро ба мақомоти шартномавии СММ оид ба ҳуқуқи инсон пешниҳод намуда, ҷиҳати ташрифи 11 мандати мавзуии расмиёти махсус мусоидат намудааст. Дар натиҷа ба Тоҷикистон дар маҷмуъ зиёда аз ҳазор тавсияҳо дода шуданд, ки масъалаҳои ҳуқуқи инсонро дар бар мегиранд.
Ба гуфтаи Умед Бобозода, Ваколатдор оид ба ҳуқуқи инсон дар Ҷумҳурии Тоҷикистон мазмуну моҳияти меъёрҳои конститутсионии соҳаи ҳуқуқи инсон дар он ифода меёбад, ки ҳуқуқу озодиҳои инсон ба воситаи Конститутсия, санадҳои меъёрии ҳуқуқии миллӣ ва санадҳои ҳуқуқии байналмилалие, ки Тоҷикистон онҳоро эътироф намудааст, ҳифз мегарданд.
“Ҳанӯз соли 1994 Конститутсияи Ҷумҳурии Тоҷикистон устувории ҳуқуқи инсон ва озодиҳои асосии ӯро эътироф намуда, муқаррар намуда буд, ки инсон, ҳуқуқ ва озодиҳои ӯ арзиши олӣ буда, давлат онҳоро эътироф, риоя ва ҳифз менамояд. Бо такя ба ин муқаррарот ва меъёрҳои дигари барномавӣ ислоҳоти ҳуқуқӣ амалӣ гардида, механизмҳои ҳифзи ҳуқуқи инсон таъсис дода шуданд”, - баён доштааст Умед Бобозода.
Ҳамзамон, ба гуфтаи ӯ, дар Ҷумҳурии Тоҷикистон ҷиҳати ҳифзи ҳамаҷонибаи ҳуқуқи инсон дар ҳама самтҳо, инчунин ҷиҳати иҷрои уҳдадориҳои байналмилалӣ дар самти ҳуқуқи инсон пайваста тадбирҳои судманд амалӣ гардида, санадҳои муҳими стратегӣ қабул мегарданд.
ҚАБУЛИ СТРАТЕГИЯВУ БАРНОМАҲОИ МИЛЛӢ
Бояд гуфт, ки Ҷумҳурии Тоҷикистон дар самти ҳифзи ҳуқуқи инсон як қатор стратегияҳо ва барномаҳои давлатӣ қабул намудааст, ки ба таҳкими ҳуқуқ ва озодиҳои шаҳрвандон, пешбурди баробарии гендерӣ, ҳифзи гурӯҳҳои осебпазир ва рушди ҷомеаи демократӣ равона гардидаанд.
Аз ҷумла, 5 августи соли равон дар кишвар “Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон барои давраи то соли 2038” тасдиқ гардидааст, ки он ҳамаи нақшаҳои миллии мавҷуда ва қабулшаванда оид ба иҷрои тавсияҳои ниҳодҳои СММ оид ба ҳуқуқи инсон ва ҳуҷҷатҳои дигарро дар самти ҳуқуқи инсон ҳамоҳанг сохта, механизм ва расмиёти иҷрои уҳдадориҳои байналмилалиро дар самти ҳуқуқи инсон такмил медиҳад.
Ҳадафи асосии Стратегияи миллӣ таъмини афзалияти ҳуқуқу озодиҳои инсон ҳамчун омили асосии сиёсати давлатӣ, ки самти рушди қонунгузорӣ, сиёсат ва амалияи қонунтатбиқкуниро ҳангоми қабули қарор аз ҷониби мақомоти давлатӣ муайян менамояд, арзёбӣ мегардад.
Ба гуфтаи коршиносони соҳа, Стратегияи миллӣ ҳадафҳои дарозмуддат ва вазифаҳо дар самти ҳуқуқи инсонро муайян намуда, масъалаи таҳияи сиёсати пешрафта ва ягонаи байнисоҳавиро, ки ба мустаҳкам намудани ҳимоя ва пешбурди ҳуқуқи инсон дар мамлакат равона шудааст, пешбинӣ менамояд.
Инчунин, Стратегияи миллии рушди Ҷумҳурии Тоҷикистон барои давраи то соли 2030 қабул гардидааст, ки ин ҳуҷҷат ба рушди устувори иҷтимоиву иқтисодӣ, аз ҷумла, таъмини ҳуқуқ ба маориф, тандурустӣ, шуғл ва ҳифзи иҷтимоӣ равона шудааст. Ҳадафи он коҳиш додани камбизоатӣ ва дастгирии гурӯҳҳои осебпазир ба ҳисоб меравад.
Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон низ амал мекунад, ки он бо дастгирии шарикони байналмилалӣ таҳия шудааст, ҳифзи ҳуқуқҳои шаҳрвандонро тавассути ҳамкориҳои байналмилалӣ ва ислоҳоти қонунгузорӣ таъмин менамояд.
Аз ҷумла, дар ҷумҳурӣ барномаҳое низ амал мекунанд, ки ба ҳифзи ҳуқуқу озодиҳои шаҳрвандон равона гардидаанд.
Барномаи “Таъмини баробарии гендерӣ ва тавонмандсозии занону духтарон” яке аз барномаҳоест, ки барои баланд бардоштани нақши занон дар ҷомеа ва таъмини баробарии гендерӣ саъю кӯшиш дорад. Ин барнома занонро дар сиёсати давлатӣ ва иқтисодиёт дастгирӣ намуда, ҳуқуқ ва имкониятҳои онҳоро густариш медиҳад.
Барномаи миллӣ оид ба ислоҳоти низоми ҳифзи кӯдак дар Тоҷикистон низ барои таъмини шароитҳои беҳтар дар соҳаи маориф, тандурустӣ ва ҳифзи кӯдакон, инчунин, пешгирии меҳнати кӯдакон равона гардидааст.
Барномаи мубориза бо шиканҷа ва муносибати ғайриинсонӣ ташаббуси дигаре баҳри ҳифзи ҳуқуқи инсон аст, ки Ҳукумати кившар барои пешгирӣ ва барҳам додани шиканҷа онро рӯи даст гирифтааст.
ЭЪЛОНИ СОЛИ МАЪРИФАТИ ҲУҚУҚӢ
Ҷумҳурии Тоҷикистон дар соҳаи ҳуқуқи инсон ба пешравиҳо ноил гардидааст, вале ҳуқуқшиносон бар он назаранд, ки ҳанӯз ҳам бояд дар кишвар маърифати ҳуқуқии аҳолӣ баланд бардошта шавад.
Эълон намудани соли 2024 ҳамчун Соли маърифати ҳуқуқӣ низ беҳуда нест. Аз ҷумла, Президенти Ҷумҳурии Тоҷикистон муҳтарам Эмомалӣ Раҳмон дар мулоқоти ахирашон бо кормандони мақомоти судии кишвар, ки 5-уми декабри соли равон сурат гирифт, чунин зикр намуданд: “Чунонки борҳо таъкид кардаам, баланд бардоштани маърифати ҳуқуқии аҳолӣ яке аз роҳҳои муассири пешгирӣ кардани қонунвайронкуниҳо мебошад. Ҳадафи асосии Соли маърифати ҳуқуқӣ эълон гардидани соли 2024 низ аз ҳамин иборат буд”.
Инчунин, Президенти кишвар дар мулоқот бо фаъолон, намояндагони ҷомеа ва ходимони динии мамлакат зикр намуданд, ки мақсад аз қабули қарор дар бораи соли 2024 Соли маърифати ҳуқуқӣ эълон гардидан, ин баланд бардоштани сатҳи маърифати ҳуқуқии шаҳрвандон, тарғиби арзишҳои демократӣ, мустаҳкам намудани ҳимояи ҳуқуқи инсон мебошад.
- Тарбияи шаҳрвандон дар руҳияи эҳтиром нисбат ба қонун ва таъмин намудани волоияти он, ба роҳ мондани усули ҳамкории самараноки давлат ва ниҳодҳои ҷомеаи шаҳрвандӣ дар самти маърифати ҳуқуқии шаҳрвандон аз ҷумлаи ҳадафҳои аслии Соли маърифати ҳуқуқӣ мебошад, - баён доштанд Пешвои миллат.
Бояд гуфт, ки эълон намудани Соли маърифати ҳуқуқӣ дар кишвар ташаббуси муҳим буда, он на танҳо маърифати ҳуқуқии аҳолиро баланд мебардорад, балки ба пешрафти ҷомеаи мутамаддин замина мегузорад. Дар ин замина, ҳамчунин он барои ҳамкорӣ байни ниҳодҳои давлатӣ, ташкилотҳои ҷамъиятӣ ва ҳар як фарди ҷомеа нақши муҳим мебозад.
Метавон гуфт, ки ҷашн гирифтани Рӯзи ҳуқуқи инсон дар кишвар ва пуштибонӣ аз ҳуқуқу озодиҳои шаҳрвандон фурсати муҳиме барои таҳкими фаъолиятҳо дар самти ҳифзи ҳуқуқ ва озодиҳо ба шумор меравад. Ҷумҳурии Тоҷикистон ҳамеша ба рушди ҳуқуқи инсон таваҷҷуҳи хосса зоҳир намуда, кӯшиш менамояд, ки ҳуқуқҳои ҳар як шаҳрванд ҳифз карда шаванд.
Фарзонаи УМАРАЛӢ, “ҶТ”
Хабарҳои дигар
Рӯзнома
Эзоҳи худро нависед