Аз ҷониби Муассисаи давлатии “Тоҷикфилм” бори аввал платформаи синамоии tojikfilm.tv ба фаъолият оғоз мекунад. Он барои ҳаводорони синамои ватанӣ филмҳои дар замони шуравӣ истеҳсолшуда ва 35 соли замони истиқлолиятро ба намоиш мегузорад.

Дар ин бора Маҳмадсаид Шоҳиён, директори Муассисаи давлатии “Тоҷикфилм” 30 январ зимни нишасти хабарӣ иттилоъ дод.
Гуфта шуд, ки дигар филмсозон ва ширкатҳои истеҳсолкунанда низ бо риояи қонунгузории Ҷумҳурии Тоҷикистон метавонанд филмҳои худро барои намоиш пешниҳод намоянд.

Ҳамзамон зикр гардид, ки филмҳои дар онлайнкинотеатр ба намоишгузошташуда, аз назари шурои бадеии муассиса мегузаранд.

Маҳмадсаид Шоҳиён ҳамчунин гуфт ба фаъолият оғоз кардани ин платформа имкони хубест, то мардум дар тамоми ҷаҳон филмҳои хубу касбии моро тамошо кунанд. Арзиши тамошои филмҳо гарон нестанд.

Шаҳноза АЗИМОВА,
коромӯзи “ҶТ”