Дар Маркази миллии тестии назди назди Президенти Ҷумҳурии Тоҷикистон дар соли 2024 шумораи довталабони дорои таҳсилоти миёнаи умумии синфи 11, ибтидоӣ ва миёнаи касбӣ нисбат ба соли гузашта 11 % зиёд ба қайд гирифта шудааст.

Дар ин хусус имрӯз Шодиниё Абдулбосит, муовини якуми директори Маркази миллии тестии назди Президенти Ҷумҳурии Тоҷикистон иттилоъ дод.

Ӯ гуфт, ки барои иштирок дар имтиҳонҳои марказонидаи дохилшавӣ соли 2024 ҳамагӣ 89 ҳазору 124 номнавис шуда, ин шумора нисбат ба соли 2023 8 ҳазору 904 нафар зиёд аст.

Ӯ таъкид намуд, ки шумораи довталабони синфи 9 бошад, наздик ба 33% зиёд буда, имсол ҳиссаи писарони бақайдгирифташуда дар синфи 11 нисбат соли 2023 зиёдтар буданд.

- Аммо бо вуҷуди ин, имсол духтарон дар имтиҳонҳои дохилшавӣ нисбат ба писарон дар синфҳои 11 ва 9 хеле фаъолтар буданд,-гуфт А. Шодиниё.

Гулафшон КАРИМОВА, “ҶТ”