Имрӯз дар ноҳияи Хуросони вилояти Хатлон бахшида ба Рӯзи Парчами давлатӣ чорабинии идона баргузор гардид.
Дар чорабинӣ роҳбарияти ноҳия, аъзоён ва фаъолони Кумитаи иҷроияи Ҳизби Халқии Демократии Тоҷикистон дар ноҳияи Хуросон, кормандони ташкилоту муассисаҳо ва сокинон сарбаландона иштирок намуданд.

Дар ин хусус Мақомоти иҷроияи ҳокимияти давлатии ноҳияи Хуросон хабар медиҳад.

Иштирокчиён дар даст шиору овеза ва Парчами давлатӣ гирифта, аз даромадгоҳи Беморхонаи марказӣ роҳпаймоиро оғоз намуданд ва то назди ҳайкали шоҳ Исмоили Сомонии ноҳия идома доданд.

Инчунин, субҳи имрӯз роҳпаймоии осоишта бахшида ба Рӯзи Парчами давлатӣ дар ноҳияи Шамсиддин Шоҳин низ зери унвони “Парчам - рамзи шинохт ва муаррифгари миллат” доир гардид.

Дар роҳпаймоӣ ҷавонони касбу кори гуногун дар ҳудуди ноҳия парчамҳои давлатӣ дар даст иштирок намуданд.

Ҳамчунин, бахшида ба ин санаи муқаддас дар ноҳияи Тоҷикобод низ бо иштироки кормандони ташкилоту муассисаҳо ва фаъолон роҳпаймоии осоишта баргузор шуд.

Ҷасури ҚИЁМИДДИН, “ҶТ”