Дар Донишкадаи тарбияи ҷисмонии Тоҷикистонба номи С. Раҳимов дар доираи моҳвораи ҷавонон тибқи нақша - чорабиниҳои Кумитаи кор бо ҷавонон ва варзиши назди Ҳукумати кишвар ба ифтихори Рӯзи ҷавонони Тоҷикистон ва Рӯзи ҷаҳонии футбол ҳамоиши ҷавонону варзишгарон таҳти унвони “Пайравони Пешвои миллатем” доир гардид.

Тибқи иттилоъ, нахуст меҳмонон аз намоиши дастовардҳои муҳассилини Донишкада дидан намуданд. Зимни боздид аз намоишгоҳ гуфта шуд, ки дар қатори табақаҳои гуногуни ҷомеа, барои аҳли устодону донишҷӯёни Донишкадаи тарбияи ҷисмонии Тоҷикистон он нукта фараҳбахш аст, ки 25- уми май ҳамчун Рӯзи ҷаҳонии футбол дар идомаи ташаббусҳои зиёди башардӯстонаи Президенти Ҷумҳурии Тоҷикистон муҳтарам Эмомалӣ Раҳмон, маҳз бо пешниҳоди Раиси Маҷлиси миллии Маҷлиси Олии Ҷумҳурии Тоҷикистон, раиси шаҳри Душанбе, Президенти Ассотсиатсияи футболи Осиёи Марказӣ, Президенти Федератсияи футболи Тоҷикистон муҳтарам Рустами Эмомалӣ таҷлил мегардад.

Дар қисмати дигари чорабинӣ дар толори калони Донишкада ба ифтихори Рӯзи ҷавонони Тоҷикистон ва Рӯзи ҷаҳонии футбол як қатор ҷавонону варзишгарони ин боргоҳ барои натиҷаву дастовардҳои варзишӣ бо ифтихорномаҳои Кумитаи кор бо ҷавонон ва варзиш қадрдонӣ гардиданд.

Амир Иброҳимзода, ректори Донишкада зикр сохт, ки таҷлили ҳамасолаи Рӯзи ҷавонон аз ҷумлаи тадбирҳои муҳими давлату Ҳукумати Тоҷикистон нисбати ин қишра ҷомеа буда, сиёсати давлатии ҷавонон дар сиёсати Сарвари маҳбуби давлат муҳтарам Эмомалӣ Раҳмон ҷойгоҳи махсус дорад. Дар замони муосир рӯ овардан ба ҷавонон ва истифода аз имкониятҳои зеҳниву ҷисмонии онҳо яке аз шартҳои ноил шудан ба инкишофи устувори давлат ва ҷомеа мебошад.

Сардори Раёсати ватандӯстии Кумитаи кор бо ҷавонон ва варзиш Нусратулло Маҳмудзода зимни баромади хеш аҳли толорро бо Рӯзи ҷавонон ва Рузи ҷаҳонии футбол шодбош гуфта, иброз дошт, ки сол ба сол тадбиру чорабиниҳо ба ифтихори Рӯзи ҷавонони Тоҷикистон хусусияти хоссаро касб менамояд ва албатта тадбирҳои мазкур барои насли ҷавон аҳамияти хосса доранд.

“ҶТ”