Рӯзҳои 17 то 20 январ дар кишвар ҳавои номусоид пешбинӣ шуда, боридани борон ва барф дар назар аст.

Дар ин хусус Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон иттилоъ медиҳад.

Гуфта мешавад, ки паст шудани ҳарорат ва фаромадани туман дар назар буда, дар шоҳроҳҳои Душанбе-Чанок, Душанбе-Рашт-Лахш, Нуробод-Сангвор, Душанбе-Хоруғ хатари фаромадани тарма, яхбандӣ ва сангрезӣ боқӣ мемонад.

Кумита аз шаҳрвандон хоҳиш мекунад, ки дар ин рӯзҳо ҳаракати худро дар роҳҳои кӯҳӣ маҳдуд намуда, аз анҷоми корҳои кишоварзӣ, чаронидани чорво, ҷамъоварии ҳезум ва шикор дар манотиқи кӯҳистон худдорӣ кунанд, инчунин ҳангоми истифодаи таҷҳизоти барқии гармкунанда қоидаҳои бехатарии сӯхторро қатъиян риоя намоянд.

Гулафшон КАРИМОВА, “ҶТ”