Натиҷаи омӯзиш ва таҳлили омори фаъолияти судӣ дар самти ба амалбарории адолати судӣ собит месозад, ки дар нимсолаи якуми соли 2022 дар судҳои иқтисодӣ 1803 адад парвандаҳои иқтисодӣ баррасӣ гардидааст.

Дар ин бора 25 июл Мирзозода Рустам Пираҳмад , раиси Суди Олии иқтисодии Ҷумҳурии Тоҷикистон зимни нишасти хабарӣ иттилоъ дода, дар идома гуфт:
“Аз ҷумла бо баровардани ҳалнома 857 парванда, истеҳсолот доир ба 73 парванда қатъ карда шуда, 72 аризаҳо баррасӣ мононда шудааст. Қабули 7 ариза рад карда шуда, 1 парванда аз рӯи тобеият ва 474 арзу дархостҳо бинобар ба талаботи қонунгузории мурофиавӣ мутобиқ набуданашон баргардонида шудааст. Дар суди марҳилаи кассатсионӣ 166 ва дар суди марҳилаи назоратӣ 153 парванда баррасӣ гардидааст”.

Номбурда ҳамзамон афзуд, ки дар давраи ҳисоботӣ зимни муроҷиат бо аризаҳои даъвогӣ ба судҳои иқтисодӣ 1 810 070 сомонӣ боҷи давлатӣ пардохт гардидааст, ки нисбат ба ҳамин давраи соли гузашта 634317 сомонӣ зиёд мебошад.

-Доир ба рӯёнидани маблағҳои зарар ва қарзҳои бонкӣ дар ҳамин давра ба маблағи 394 854 668 сомонӣ талабот арз гардида, аз он ба маблағи 380 218 730 сомонӣ даъво қонеъ гардида, 7 567 727 сомонӣ боҷи давлатӣ рӯёнида шудааст, - гуфт ӯ.