Дар асоси қарори раиси шаҳри Душанбе муҳтарам Рустами Эмомалӣ дар пойтахт Рӯзи ҷавонони Тоҷикистон дар сатҳи баланд ҷашн гирифта мешавад.

Дар ин бора дафтари матбуоти шаҳрдорӣ хабар додааст.

Ёдовар мешавем, ки Рӯзи ҷавонони Тоҷикистон ҳамасола дар мамлакат санаи 23 май таҷлил мегардад. Ба ифтихори ин сана чорабиниҳои гуногуни маърифатию илмӣ ва фарҳангӣ бо ҷалби ҷавонон гузаронида мешаванд, ки нишон аз таваҷҷуҳи давлату Ҳукумати кишвар ба қишри ояндасози меҳан – ҷавонон мебошад.