Имрӯз, 4 апрел дар саҳни Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҳамоиши тантанавӣ таҳти унвони “Баҳори ҷавонӣ - Наврӯзи ҷаҳонӣ” бахшида ба таҷлили Иди байналмилалии Наврӯз баргузор гардид.

Дар ин чорабинии фарҳангӣ намояндаи Дастгоҳи иҷроияи Президенти Ҷумҳурии Тоҷикистон, роҳбарони вазорату идораҳои дахлдор, роҳбарият ва кормандони дастгоҳи марказии КҶВ, аъзоёни ИҶТ ва ташкилоти “Пайравони Пешвои миллат” иштирок намуданд.

Дар оғози чорабинӣ дар саҳни дохил ва беруни Кумита намоиши таомҳои миллӣ, хони наврӯзии ҳафтсину ҳафтшин, намоиши ҳунарҳои мардумӣ, бозиҳои миллии варзишӣ ва суманакпазӣ ҷолибу диданӣ баргузор гардид.

Пас аз намоиш Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон суханронӣ намуда, ҳозирин ва меҳмононро ба Ҷашни байналмилалии Наврӯз шодбош гуфт.

Дар идома барномаи фарҳангӣ пешкаши меҳмонон гардонида шуд.

Яҳё МАҲМАДНАБИЕВ, “ҶТ”