Аз ҷониби Донишкадаи санъати тасвирӣ ва дизайни Тоҷикистон давоми соли 2025 Фестивали мӯд гузаронида шудааст.

Дар ин бора имрӯз Сироҷиддин Ҷурахонзода, ректори донишкадаи мазкур зимни нишасти матбуотӣ иттилоъ дод.

- Фестивали мазкур зери унвони “Аз Наврӯз то Наврӯз” 18 март дар арафаи ҷашни Наврӯзи байналмилалӣ дар шаҳари Душанбе гузаронида шуда, дар он устодону донишҷӯён маҳсули дасти хешро пешниҳоди иштирокчиён гардониданд, - гуфт Ҷурахонзода.

Ҳамзамон, гуфта шуд, ки давоми соли сипаригардида омӯзгорони эҷодкори Донишкада дар 10 намоишгоҳи сатҳи байналмилаливу ҷумҳуриявӣ иштирок намуда, асарҳои офаридаи худро ба намоиш гузоштаанд.

Шаҳноза АЗИМОВА,
коромӯзи “ҶТ”