Як ширкати ҳавопаймоии туркии "Туркиш Эйрлайнз" ба нақша гирифтааст, ки шуруъ аз 1 феврали соли 2026 шумораи парвозҳои худро ҳамарӯза гардонад. Ширкати дигари ин кишвар “Пегасус Эйрлайнз" аз 4 феврали соли равон дар хатсайри Истамбул- Душанбе- Истамбул дар як ҳафта 3 парвоз ба роҳ мемонад.

Дар ин бора Ҳабибулло Назарзода, директори Агентии авиатсияи граждании назди Ҳукумати Ҷумҳурии Тоҷикистон 28 январ зимни нишасти хабарӣ иттилоъ дод.

Ҳамчунин, гуфта шуд, ки соли қабл Ширкати ҳавопаймоии "Флай Дубай" низ шумораи парвозҳои худро ба 7 парвоз дар як ҳафта расонида буд.

Директори агентӣ зикр дошт, ки аз ҷониби ҶДММ Ширкати ҳавопаймоии “Сомон Эйр" корбарӣ ҷиҳати кушодани парвозҳо ба самти Лондон,Риёз ва Сеул давом дорад.

Сайёраи ҚИЁМИДДИН, “ҶТ”