Дар шаҳри Хоруғ Ризо Назарзода, муовини якуми раиси Кумитаи кор бо ҷавонон ва варзиш бо ҷавонони ВМКБ ва донишҷӯёни Донишгоҳи давлатии Хоруғ ба номи М. Назаршоев мулоқот кард.

Вохӯрӣ дар мавзӯи “Саҳми Пешвои миллат дар рушди сиёсати давлатии ҷавонон” сурат гирифта, дар он инчунин муовини ректори Донишгоҳ оид ба тарбия Ниёзалӣ Қамбаров, устодону омӯзгорони ҷавон ва намояндагони мақомоти иҷроияи маҳаллии ҳокимияти давлатии вилоят иштирок намуданд.

Зикр гашт, ки дастгирию ғамхориҳои Пешвои муаззами миллат дар рушди ҳамаҷонибаи соҳаҳои гуногуни ВМКБ назаррас буда, онҳоро бояд самимона қадр кард.
Ҳамчунин масъулини Кумита дар мактабҳои шаҳр бо толибилмон силсиламулоқотҳо анҷом доданд.