Бо ташаббуси бахши ҷавонон, варзиш ва сайеҳии ноҳияи Бохтар ба мақсади мустаҳкам намудани риштаи дӯстии ҷавонон ва баланд бардоштани ҳисси ватандӯстии онҳо чорабинии фарҳанги-фароғатӣ таҳти унвони "Шоми ҷавонӣ" доир гардид.

Дар чорабинӣ сардори Раёсати ҷавонон, варзиш ва сайеҳии вилояти Хатлон Фариза Абдуллоев, муовини раиси ноҳия Дилафрӯз Маҳмадалиева, мудири Бахши ҷавонони ноҳияи Бохтар Мунаввара Сатторова ва мудирони бахшҳои ҷавонони шаҳру ноҳияҳои минтақаи Кӯрғонтеппа иштирок намуданд.

Дар ифтитоҳи чорабинӣ намоиши дастовардҳои ҷавонони ноҳия ба тамошо гузошта шуд, ки аз ҷониби меҳмонон баҳои хуб гирифт.

Фариза Абдуллоев, ҳозиринро ба эълон гардидани "Соли Чавонон" муборакбод намуда, гуфт:  "Ҷавонони хатлонзамин аз амалҳои наҷиби Пешвои миллат дар роҳи инсондӯстӣ, хештаншиносӣ, ватанпарастии миллӣ доштанро дар зиндагӣ роҳнамои хеш намуда, баҳри ҳифзи арзишҳои миллии кишвар ҷаҳду талош менамояд".

Умед Мирзоев, "ҶТ"