ҶАВОНОН
Якшанбе 07 Июн 2026 12:47
Интернет аз он лиҳоз бузург гашт, ки барои ҳама дастрас буд ва касе онро назорат намекард.
Сергей Брин
Google – системаи ягона ва барномаи мукаммали амалиётӣ
Google. Маҳз ҳамин системаи ҷустуҷӯӣ дар замони муосир, дар фазои шабакаҳои интернет мавқеи аввалро соҳиб аст. Он на танҳо системаи ҷустуҷӯӣ, балки барномаи мукаммали амалиётиест, ки шабакаҳои иҷтимоӣ, хостинги видеоии YouTube, хостинги расму тасвирҳо, почта, тарҷумон ва бисёр амалиёти манфиатноки дигарро дар бар мегирад.
Тасмими таъсис додани ин лоиҳаи бузург ба ду нафар – Сергей Брин ва Ларри Пейдж тааллуқ дорад. Онҳо бо ҳам дар мулоқоти расмии номзадҳо ба дараҷаҳои докторӣ оид ба информатика шинос шуданд. Андешаҳои ин ду олими ҷавони ояндадор дар хусуси мушкили дар фазои шабакаҳои ҷаҳонӣ мавҷуд набудани шабакаи ҷустуҷӯӣ бо ҳам созгор омада буд. Ин буд, ки онҳо ба кори илмии муштараки худ зери унвони “Анатомияи системаҳои бузургмиқёси матнии ҷустуҷӯ дар интернет” шуруъ намуданд. Ин лоиҳа дар байни лоиҳаҳои илмии пешниҳодшудаи донишгоҳи Стенфорд мавқеи хоссаеро касб намуд.
Даврони ҷавонӣ
Сергей Брин насли собиқ Иттиҳоди Шӯравӣ буда, дар овони мактабхонӣ бо ақлу заковат ва андешаву афкори солиму фарқкунандаи худ устодонро ба ҳайрат мегузошт. Волидонаш ба таълиму тарбияи ӯ таваҷҷуҳи зиёд зоҳир менамуданд. Брин ба илмҳои дақиқ мароқи хосса зоҳир мекард. Баъди он ки оилаи онҳо ба ИМА кӯч баст, ӯ таҳсилашро дар Донишгоҳи Мэриленда идома дод. Ӯ барои таҳсили хубу аъло аз ҳисоби Фонди миллии илм идрорпулӣ мегирифт ва ин барояш имкон фароҳам овард, то таҳсили худро дар соҳаи илмҳои дақиқ дар Стенфорд идома диҳад.
Илм ва амал
Дар Стенфорд нахуст доираи шавқу ҳавасҳои Сергей дар соҳаи интернет-технологияҳо ва маҳз мошинҳои ҷустуҷӯӣ маҳдуд шуда буд. Ӯ як қатор корҳоро доир ба усулҳои ба даст овардани иттилоот аз махзанҳои пароканда, ҷустуҷӯи маълумоти илмӣ аз матнҳои калонҳаҷм анҷом дода, ҳамзамон барномаеро барои тағйирот дар корҳои илмӣ, ки дар формати HTML бо ёрии протсессори матнии TeX сохта шуда буд, таҳия намуд.
Пайдоиши Google
Давраи таҳсил дар Стенфорд давраи оғози шуҳрати Сергей Брин маҳсуб меёбад. Ӯ ҳамроҳи дӯсташ лоиҳаи нави худро тарҳрезӣ намуд. Онҳо нахуст тасмим гирифтанд, ки бояд усулҳои ҷустуҷӯи иттилоотро дар шабакаҳои интернет беҳтар гардонанд. Он замон мушкили асосӣ ҳамин буд, ки калимаи ҷусташванда дар саҳифаҳо зиёд такрор мешуд. Системаи ҷадиди ихтироънамудаи олимони ҷавон “BackRub” ном дошта, бо мақсади аниқ кардани муҳимияти иттилоотии сомона истиноди баръаксро тафтиш мекард.
Сергей ва Ларри медонистанд, ки барои ҷустуҷӯ чизи аз ҳама муҳим ин веб-саҳифаҳо мебошанд, ки аксаран веб-саҳифаҳои дигар аз онҳо иқтибос менамуданд. Ҷавонон мошини ҷустуҷӯиро таъсис дода, онро бо номи google.stanford.edu. дар сомона ҷойгир намуданд ва моҳи сентябри соли 1997 домени машҳури имрӯзаи google.com пайдо шуд.
Парвози шуҳрат
Нимаи аввали соли 1998 давраи рушди босуръати технологияи таҳиянамудаи Пейдж ва Сергей маҳсуб меёбад. Ҳуҷраҳои ин ҷавонон дар хобгоҳ чунин таҷҳизонида шуда буданд: ҳуҷраи Брин утоқи корӣ буд ва ҳуҷраи Пейдж маркази таҳияи иттилоот. Ҷавонон бизнес-нақшаи худро тартиб дода, ба ҷустуҷӯи сармоягузорон баромаданд. Маблағи аввалияро онҳо аз волидон ва дӯстонашон ва баъдан аз сармоягузорони калон пайдо намуданд. Яке аз ин сармоягузорони машҳур Энди Бехтолшейм, асосгузори Sun Microsystems буд. Охири соли 1998 олимони ҷавон пурра ба тиҷорат машғул шуданд. Нахустин дафтари кории худро онҳо дар гаражи яке аз дӯстонашон дар Калифорния кушоданд. Кормандони ширкати Google аз 4 нафар иборат буд. Барои ҷалби сармоя ҷавонон аз як усули самарабахш истифода намуданд. Онҳо ду ширкати машҳурро водор сохтанд, ки дар рақобат бо якдигар дар як вақт ба ширкати онҳо ба маблағи 25 млн. долларӣ маблағгузорӣ намоянд. Дар соли 2001 шумораи кормандони ширкат аллакай ба 200 нафар расид.
Асрори муваффақият
Ҷавонон барои ташвиқу тарғиби ширкати худ аз роликҳои рекламавӣ ва банерҳои гаронбаҳо истифода намекарданд. Асрори муваффақияти онҳо дар “овозаҳо”, яъне тарзи ба дигарон қисса кардани фаъолияти худ буд. Ба дӯстонашон мегуфтанд, онҳо дар навбати худ ба дигарон ва ҳамин тавр овозаҳо паҳн мешуданд. Сергей ҳамеша чунин мешуморид, ки бояд ба сифати маҳсулот таваҷҷуҳ зоҳир намуд, чунки он худ таблиғгари худ аст.
Шуҳрат ва дороӣ
Вақте, ки саҳмияҳои Google дар биржа пайдо шуданд, моликияти шахсии Брин ва Пейдж аз рӯи афзоиши даромадҳо аз моликияти Гейтс ва Аллен зиёдтар шуд. Соли 2004 ин олимони ҷавон дар рӯйхати миллиардерҳои маҷаллаи машҳури “Forbes” ҷой гирифтанд. Тибқи баҳрогузории “Forbes” моликияти Сергей Брин, ки аз қавми зиёиёни яҳудӣ буд, дар соли 2005 11 миллиард долларро ташкил дод.
“Мо мехоҳем, ҳамеша қавӣ ва устувор буда, табаддулоти азимеро ба вуҷуд биёрем!” – гуфта буд Сергей Брин. Ширкати Google дар ҳақиқат ҳам ба ин мушарраф гардид. Сергей Брин бо кашфи Google дар олам табаддулоти азиме ворид сохт.
Ҳаёти шахсӣ
Сергей дар бораи худ нақл кардану ташвиқ кардани худро намеписандад. Ӯ дар хонаи муқаррарӣ зиста, аз мошини муқаррарии начандон гаронбаҳо истифода менамояд. Дар вақтҳои холӣ ба бозии хоккей ва конкитозӣ машғул мешавад. Аксар вақт ӯро бо либоси варзишӣ мебинанд. Ширкати Google ба корҳои хайр ва кӯмак ба ниёзмандон низ машғул мешавад. Коршиносон мегӯянд, сохти дохилии он на ба ширкати бузург, балки бештар ба мактаб шабоҳат дорад.
Шаҳло ЭШОНОВА, "ҶТ"
Сергей Брин
Google – системаи ягона ва барномаи мукаммали амалиётӣ
Google. Маҳз ҳамин системаи ҷустуҷӯӣ дар замони муосир, дар фазои шабакаҳои интернет мавқеи аввалро соҳиб аст. Он на танҳо системаи ҷустуҷӯӣ, балки барномаи мукаммали амалиётиест, ки шабакаҳои иҷтимоӣ, хостинги видеоии YouTube, хостинги расму тасвирҳо, почта, тарҷумон ва бисёр амалиёти манфиатноки дигарро дар бар мегирад.
Тасмими таъсис додани ин лоиҳаи бузург ба ду нафар – Сергей Брин ва Ларри Пейдж тааллуқ дорад. Онҳо бо ҳам дар мулоқоти расмии номзадҳо ба дараҷаҳои докторӣ оид ба информатика шинос шуданд. Андешаҳои ин ду олими ҷавони ояндадор дар хусуси мушкили дар фазои шабакаҳои ҷаҳонӣ мавҷуд набудани шабакаи ҷустуҷӯӣ бо ҳам созгор омада буд. Ин буд, ки онҳо ба кори илмии муштараки худ зери унвони “Анатомияи системаҳои бузургмиқёси матнии ҷустуҷӯ дар интернет” шуруъ намуданд. Ин лоиҳа дар байни лоиҳаҳои илмии пешниҳодшудаи донишгоҳи Стенфорд мавқеи хоссаеро касб намуд.
Даврони ҷавонӣ
Сергей Брин насли собиқ Иттиҳоди Шӯравӣ буда, дар овони мактабхонӣ бо ақлу заковат ва андешаву афкори солиму фарқкунандаи худ устодонро ба ҳайрат мегузошт. Волидонаш ба таълиму тарбияи ӯ таваҷҷуҳи зиёд зоҳир менамуданд. Брин ба илмҳои дақиқ мароқи хосса зоҳир мекард. Баъди он ки оилаи онҳо ба ИМА кӯч баст, ӯ таҳсилашро дар Донишгоҳи Мэриленда идома дод. Ӯ барои таҳсили хубу аъло аз ҳисоби Фонди миллии илм идрорпулӣ мегирифт ва ин барояш имкон фароҳам овард, то таҳсили худро дар соҳаи илмҳои дақиқ дар Стенфорд идома диҳад.
Илм ва амал
Дар Стенфорд нахуст доираи шавқу ҳавасҳои Сергей дар соҳаи интернет-технологияҳо ва маҳз мошинҳои ҷустуҷӯӣ маҳдуд шуда буд. Ӯ як қатор корҳоро доир ба усулҳои ба даст овардани иттилоот аз махзанҳои пароканда, ҷустуҷӯи маълумоти илмӣ аз матнҳои калонҳаҷм анҷом дода, ҳамзамон барномаеро барои тағйирот дар корҳои илмӣ, ки дар формати HTML бо ёрии протсессори матнии TeX сохта шуда буд, таҳия намуд.
Пайдоиши Google
Давраи таҳсил дар Стенфорд давраи оғози шуҳрати Сергей Брин маҳсуб меёбад. Ӯ ҳамроҳи дӯсташ лоиҳаи нави худро тарҳрезӣ намуд. Онҳо нахуст тасмим гирифтанд, ки бояд усулҳои ҷустуҷӯи иттилоотро дар шабакаҳои интернет беҳтар гардонанд. Он замон мушкили асосӣ ҳамин буд, ки калимаи ҷусташванда дар саҳифаҳо зиёд такрор мешуд. Системаи ҷадиди ихтироънамудаи олимони ҷавон “BackRub” ном дошта, бо мақсади аниқ кардани муҳимияти иттилоотии сомона истиноди баръаксро тафтиш мекард.
Сергей ва Ларри медонистанд, ки барои ҷустуҷӯ чизи аз ҳама муҳим ин веб-саҳифаҳо мебошанд, ки аксаран веб-саҳифаҳои дигар аз онҳо иқтибос менамуданд. Ҷавонон мошини ҷустуҷӯиро таъсис дода, онро бо номи google.stanford.edu. дар сомона ҷойгир намуданд ва моҳи сентябри соли 1997 домени машҳури имрӯзаи google.com пайдо шуд.
Парвози шуҳрат
Нимаи аввали соли 1998 давраи рушди босуръати технологияи таҳиянамудаи Пейдж ва Сергей маҳсуб меёбад. Ҳуҷраҳои ин ҷавонон дар хобгоҳ чунин таҷҳизонида шуда буданд: ҳуҷраи Брин утоқи корӣ буд ва ҳуҷраи Пейдж маркази таҳияи иттилоот. Ҷавонон бизнес-нақшаи худро тартиб дода, ба ҷустуҷӯи сармоягузорон баромаданд. Маблағи аввалияро онҳо аз волидон ва дӯстонашон ва баъдан аз сармоягузорони калон пайдо намуданд. Яке аз ин сармоягузорони машҳур Энди Бехтолшейм, асосгузори Sun Microsystems буд. Охири соли 1998 олимони ҷавон пурра ба тиҷорат машғул шуданд. Нахустин дафтари кории худро онҳо дар гаражи яке аз дӯстонашон дар Калифорния кушоданд. Кормандони ширкати Google аз 4 нафар иборат буд. Барои ҷалби сармоя ҷавонон аз як усули самарабахш истифода намуданд. Онҳо ду ширкати машҳурро водор сохтанд, ки дар рақобат бо якдигар дар як вақт ба ширкати онҳо ба маблағи 25 млн. долларӣ маблағгузорӣ намоянд. Дар соли 2001 шумораи кормандони ширкат аллакай ба 200 нафар расид.
Асрори муваффақият
Ҷавонон барои ташвиқу тарғиби ширкати худ аз роликҳои рекламавӣ ва банерҳои гаронбаҳо истифода намекарданд. Асрори муваффақияти онҳо дар “овозаҳо”, яъне тарзи ба дигарон қисса кардани фаъолияти худ буд. Ба дӯстонашон мегуфтанд, онҳо дар навбати худ ба дигарон ва ҳамин тавр овозаҳо паҳн мешуданд. Сергей ҳамеша чунин мешуморид, ки бояд ба сифати маҳсулот таваҷҷуҳ зоҳир намуд, чунки он худ таблиғгари худ аст.
Шуҳрат ва дороӣ
Вақте, ки саҳмияҳои Google дар биржа пайдо шуданд, моликияти шахсии Брин ва Пейдж аз рӯи афзоиши даромадҳо аз моликияти Гейтс ва Аллен зиёдтар шуд. Соли 2004 ин олимони ҷавон дар рӯйхати миллиардерҳои маҷаллаи машҳури “Forbes” ҷой гирифтанд. Тибқи баҳрогузории “Forbes” моликияти Сергей Брин, ки аз қавми зиёиёни яҳудӣ буд, дар соли 2005 11 миллиард долларро ташкил дод.
“Мо мехоҳем, ҳамеша қавӣ ва устувор буда, табаддулоти азимеро ба вуҷуд биёрем!” – гуфта буд Сергей Брин. Ширкати Google дар ҳақиқат ҳам ба ин мушарраф гардид. Сергей Брин бо кашфи Google дар олам табаддулоти азиме ворид сохт.
Ҳаёти шахсӣ
Сергей дар бораи худ нақл кардану ташвиқ кардани худро намеписандад. Ӯ дар хонаи муқаррарӣ зиста, аз мошини муқаррарии начандон гаронбаҳо истифода менамояд. Дар вақтҳои холӣ ба бозии хоккей ва конкитозӣ машғул мешавад. Аксар вақт ӯро бо либоси варзишӣ мебинанд. Ширкати Google ба корҳои хайр ва кӯмак ба ниёзмандон низ машғул мешавад. Коршиносон мегӯянд, сохти дохилии он на ба ширкати бузург, балки бештар ба мактаб шабоҳат дорад.
Шаҳло ЭШОНОВА, "ҶТ"
Хабарҳои дигар
Рӯзнома
Эзоҳи худро нависед