Раёсати кор бо занон ва оилаи вилояти Хатлон бахшида ба 20-солагии Рӯзи Ваҳдати миллӣ ва “Соли ҷавонон” дар ноҳияи Муъминобод бо толибилмон, ҷавонон, донишҷӯёни Коллеҷи тиббӣ ва табибони беморхонаи марказии ноҳия вохӯрӣ доир намуд.

Дар вохӯрӣ муовини сардори Раёсат Қумриниссо Сангалиева қайд намуд, ки “Ваҳдати миллӣ пешравии ҳар давлату миллат аст, зеро давлате, ки сулҳу амонӣ ва дӯстиро дорост, он лаҳза ба лаҳза мешукуфад, тағйир меёбад ва пеш меравад. Ваҳдати миллӣ дастоварди бузурги миллати тоҷик ба ҳисоб меравад ва мо - фарзандони ин мулки биҳиштосоро зарур аст, ки ба қадри Ваҳдати миллӣ бирасем ва онро чун гавҳараки чашм ҳифз намоем”.

Инчунин аз тарафи иштирокдорони вохӯрӣ оид ба дастовардҳои ҷавонон ва нақши онҳо дар пешрафти Тоҷикистони соҳибистиқлол суханронӣ намуданд.

 Умед Мирзоев, “ҶТ”