Дар ноҳияи Шуғнон масъулини Кумитаи кор бо ҷавонон варзиши назди Ҳукумати Ҷумҳурии Тоҷикистон бо ҳайати шахсии сарбозони дидбонгоҳи сарҳадии Тишори ҷамоати Поршнев мулоқот карданд.

Зимни вохӯрӣ қайд шуд, ки маҳз ба туфайли сарбозони шуҷову далери Ватан мардуми Тоҷикистони азиз шабу рӯз дар фазои орому осуда умр ба сар бурда, амнияту суботи кишвар аз ҳар ҷиҳат таъмин аст.

Имрӯз ҷаҳонро таҳдидҳои наву падидаҳои номатлуб, аз қабили терроризму ифротгароӣ фаро гирифта, рисолати аскарону афсарон он аст, ки то охирин нафас ба савганди ҳарбию ватандорӣ содиқ бимонанд.

Дар охир аз ҷониби кумита ба сарбозон тӯҳфаҳои гуногун дода шуд.