- Мувофиқи маълумотҳои оморӣ дар давоми 4 моҳи соли 2017 дар ҷумҳурӣ аз тарафи ҷавонон 1846 ҳолат ҷиноят содир гардидааст, ки назар ба соли гузашта (2016-1955) 5,5% ё 109 ҳолат кам аст, - гуфта шуд зимни вохӯрӣ дар хобгоҳи №7 – и Донишгоҳи миллии Тоҷикистон.

Вохӯрии мазкур, ки дирӯз 10 май баргузор гардид, дар он намояндагон аз Кумитаи ҷавонон, варзиш ва сайёҳӣ, Вазорати корҳои дохилии кишвар ва раёсати донишгоҳ ширкат ва суханронӣ намуданд.

Аз содир гардидани ҷиноятҳо аз ҷониби донишҷӯён изҳори нигаронӣ карда шуда, таъкид гардид, ки аз шумораи умумии 273 407 донишҷӯёне, ки дар муассисаҳои таҳсилоти олӣ ва миёнаи касбии ҷумҳурӣ таҳсил мекунанд, дар моҳи марти соли 2017, 15 ҳолати ҷиноят ба қайд гирифта шудааст.

Содиршавии ҷиноятҳо аз тарафи донишҷӯён дар муассисаҳои таҳсилотии зерин ба қайд гирифта шудааст:
-Донишгоҳи миллии Тоҷикистон – 2;
-Донишгоҳи техникии Тоҷикистон ба номи М.Осимӣ – 1;
-Донишгоҳи технологии Тоҷикистон – 1;
-Донишгоҳи аграрии Тоҷикистон ба номи Ш.Шоҳтемур – 1;
-Донишгоҳи давлатии тиҷорати Тоҷикистон – 2;
-Донишкадаи давлатии исломии Тоҷикистон ба номи Имоми Аъзам – 2;
-Донишкадаи тарбияи ҷисмонии Тоҷикистон ба номи С. Раҳимов – 2;
-Донишкадаи кӯҳӣ-муталлургии Тоҷикистон дар ш.Бӯстон – 1;
-Донишгоҳи давлатии Данғара – 1;
-Коллеҷи омӯзгории ш.Кӯлоб – 1;
-Литсейи касбӣ-техникии ш.Хуҷанд – 1.

Шоҳзод Раҳимов, сардори раёсати кор бо ҷавонони Кумитаи ҷавонон, варзиш ва сайёҳӣ зимни суханронӣ қайд кард, ки “ҷавонон ояндасозони миллату давлат буда, онҳо чун нерӯи созанда ва пешбаранда, бояд баҳри пешбурди тамоми соҳаҳои кишвар камари ҳиммат банданд ва баҳри ободии ин сарзамин ҷаҳд намоянд”.

Дар интиҳои чорабинӣ байни донишҷӯён ва намояндаҳо суҳбати озод сурат гирифт.

Беҳрӯз ХОЛМУРОДОВ, “ҶТ”