Дар деҳаи Лолазори ҷамоати деҳоти Яхтани ноҳияи Деваштичи вилояти Суғд, санаи 7 январ, вобаста ба расонидани муҳтавои Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон мулоқоти раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон муҳтарам Абдуллозода Аҳтам Рустам ва раиси ноҳияи Деваштич Ҷуразода Рустам бо сокинон баргузор гардид.

Дар мулоқот зиёда аз 300 нафар аҳли зиё, ходимони дин, собиқадорони соҳаи хизмати давлатӣ, ҷавонону варзишгарон ва фаъолони ноҳия ширкат варзиданд.

Зимни суханронӣ раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдуллозода Аҳтам Рустам иброз намуданд, ки Паёми Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон барои мо ҷавонону варзишгарон ва масъулини соҳаи варзиш умуман сокинони бонангу ори Тоҷикистони азиз, ҳамчун роҳнамову роҳкушо буда, натиҷаҳои фаъолияти Ҳукумати Ҷумҳурии Тоҷикистон ҷамъбаст гардида, нақшаву иқдомҳо барои соли 2019 тасдиқ карда мешавад.

Таъкид гардид, ки Президенти кишвар дар Паёми хеш иброз намуданд, ки “тибқи нақшаи корҳои созандагиву ободонӣ ба муносибати 30-солагии истиқлолияти давлатӣ дар баробари сохтмон ва таъмиру тармими иншооти таъиноти иҷтимоӣ, инчунин, мушкилоти таъминоти аҳолӣ бо оби босифати ошомиданӣ дар маҳалҳои аҳолинишин, махсусан, деҳот бояд ҳал карда шаванд”.

Дар интиҳои чорабинӣ суҳбати озод сурат гирифта,иштирокчиён миннатдории хешро ба Пешвои миллат ҷиҳати дастгирии ҳамешагӣ баён намуданд.