Бохтар: Ярмаркаи ҷойҳои кори холӣ

Раёсати Агентии меҳнат ва шуғли аҳолӣ дар якҷоягӣ бо Раёсати кор бо ҷавонон ва варзиши вилояти Хатлон дар саҳни театри мусиқӣ – мазҳакавии ба номи Ато Муҳаммадҷонови шаҳри Бохтар бо иштироки бахшҳои кор бо ҷавонон ва варзиши шаҳру ноҳияҳои Бохтар, Кӯшониён, Вахш, Дӯстӣ, Хуросон, А.Ҷомӣ, Ҷ.Балхӣ ярмаркаи ҷойҳои корӣ баргузор намуд.

Дар ярмаркаи мазкур вазифаҳои озоди бахшҳои кор бо ҷавонон ва варзиши шаҳру ноҳияҳо ва дигар сохторҳо барои корҷӯён пешниҳод гардид, ки дар он 59 ташкилоту муассисаҳо ба теъдоди 985 ҷойи корӣ барои корҷӯён пешниҳод гардид.