Дар доираи сафари корӣ масъулини Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ноҳияи Кӯҳистони Мастчоҳ бо сарбозону афсарони қисми низомии ҳудуди ноҳия мулоқоти судманд анҷом доданд. 

Зимни суҳбатҳо гуфта шуд, ки Артиши миллии Ҷумҳурии Тоҷикистон бо талошҳои хастанопазир ва шабонарӯзии Сарфармондеҳи Олии Қувваҳои мусаллаҳ, Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъсис дода шуда, дар зарфи 28 соли соҳибистиқлолӣ ба яке аз артишҳои пурқудрат табдил ёфта, ҷавонони бо нангу ори тоҷик дар сафи Артиши миллӣ марзу буми Тоҷикистони соҳибистиқлолро ҳимоя менамоянд. 

Дар охири мулоқот ба сарбозону афсарон туҳфаҳои хотиравӣ, лавозимотҳои варзишӣ ва ба як қатор сарбозону афсарони қисмҳои низомӣ сипосномаи Кумитаи кор бо ҷавонон ва варзиш тақдим карда шуд.