Зери ин унвон дар ноҳияи Данғара бахшида ба 33-солагии Истиқлоли давлатӣ ҳамоиши ҷавонон доир гардид.

Дар ин бора Раёсати кор бо ҷавонон ва варзиши вилояти Хатлон хабар додааст.

Бино ба иттилои манбаъ, дар он намояндагони ҳукумати ноҳияи Данғара, Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Раёсати кор бо ҷавонон ва варзиши вилоят иштирок ва суханронӣ намуданд.

Зимни баромадҳо гуфта шуд, Истиқлоли давлатӣ неъмати бебаҳоест, ки ба мо зиндагии шоистаро ҳадя сохт. Бо шарофати он нуфузу эътибори Тоҷикистон дар арсаи байналмилалӣ боло рафта, имрӯз кишвари моро чун шарики стратегӣ мешиносанду ҳамкорӣ менамоянд. Аз ин рӯ, қарзи шаҳрвандии ҳар яки мост, ки баҳри боз ҳам рушд ёфтани кишвари азизамон ва боло рафтани мақоми он дар арсаи ҷаҳонӣ саъю талош намоем.