Бо иқдоми Бахши кор бо ҷавонон ва варзиши шаҳри Хуҷанд аксияи саломатӣ таҳти унвони “Ҷавонон – ҷонибдори тарзи ҳаёти солим!” бахшида ба Рўзи байналмилалии мубориза бо вируси норасоии масунияти одам баргузор гардид.

Дар аксия беш аз 50 нафар ҷавонони фаъол, волонтёрони назди бахш иштирок намуда, дар рафти он ба сокинон зиёда аз 300 адад варақаҳои иттилоотӣ доир ба пешгирии ВНМО/БНМО дар маркази шаҳр, ҷойҳои аҳолинишин ва боғҳои фарҳангию фароғатӣ тақсим намуданд.

Ба таъкиди масъулин мақсад аз баргузории аксия пешгирии бемориҳои махсусан хавфнок, аз қабили ВНМО/БПНМ, нашъамандӣ ва бемориҳои сироятии ҷинсӣ миёни наврасону ҷавонон мебошад.