Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар шаш моҳи аввали соли равон, 54 адад санадҳои ҳамкориро дар самти кор бо ҷавонон ба роҳ мондааст.

Ин нуктаро Зулфиқор Гулаҳмадзода, раиси Кумитаи кор бо ҷавонон ва варзиши кишвар 1-уми август зимни нишасти хабарӣ изҳор дошт.

Аз ҷумла, номбурда зикр намуд, ки дар нимсолаи аввал 22 адад созишномаҳои байниҳукуматӣ, (як адад нисбати ҳамин давраи соли 2024 зиёд), 27 адад ёддоштҳои тафоҳуми ҳамкорӣ ва 5 адад барномаи ҳамкорӣ, ки нисбати ҳамин давраи соли гузашта 3 адад зиёд аст, роҳандозӣ гардидааст.

- Дар умум, 54 адад санадҳои ҳамкорӣ дар самти кор бо ҷавонон, тарбияи ҷисмонӣ ва инкишофи варзиширо тарҳрезӣ ва бо ҳамтоёни худ аз кишварҳои хориҷӣ мавриди баррасӣ қарор гирифт,- қайд намуд раиси Кумита.

Ҳамзамон, раиси Кумита гуфт, ки дар шашмоҳаи якуми соли 2025 дар тамоми самти фаъолияти Кумита 53 ҳазору 305 чорабинӣ бо фарогирии зиёда аз 5 миллион нафар ва аҳли ҷомеа, варзишгарон, иштирокчиён ва мухлисони чорабиниҳои варзишӣ доир гардидааст.

Ф. УМАРАЛӢ, “ҶТ”