Ба ҳамин унвон бахшида ба Рӯзи байналмилалии ҷавонон бо ташаббуси Раёсати кор бо ҷавонон ва варзиши вилояти Хатлон бо иштироки 30 нафар наврасону ҷавонони шаҳри Қӯрғонтеппа мизи мудаввари иттилоотӣ баргузор гардид.

Дар мизи мудаввар муовини сардори Раёсати кор бо ҷавонон ва варзиши вилояти Хатлон Азиз Азимов оид ба таҷлили 26-солагии Истиқлолияти давлатӣ, “Соли ҷавонон” ва дастгириҳои ҷавонон аз ҷониби Ҳукумати ҷумҳурӣ суханронӣ намуд.

Инчунин, барои пешгирии шомилшавии ҷавонон ба ҳар гуна ҳизбҳои иртиҷоӣ, пешгирии ҷинояткорӣ миёни наврасону ҷавонон сухан рафт.
Дар баробари ин даъват ба амал оварда шуд, ки ҷавонон бештар дар корҳои ҷамъиятӣ ва дар баргузории чорабиниҳои оммавӣ ва гуногуне, ки бахшида ба “Соли ҷавонон” баргузор карда мешаванд, фаъолона иштирок намоянд.

Дар охир миёни иштирокчиён саволу ҷавоб ва пешниҳодҳо вобаста ба масъалаҳои баррасишуда баргузор карда шуд.

Умед МИРЗОЕВ, “ҶТ”