ВАРЗИШ
Ҷумъа 29 Март 2024 04:07
Дар мусобиқаи шоҳмотбозии ноҳияи Ванҷ зиёда аз 21 нафар шоҳмотбозони навраси мактабҳои таҳсилоти миёнаи умумии ноҳия миёни ҳам рақобат карданд.
Ҳамин тавр, дар даври охир бо ҳисоби умумӣ МТМУ №4 ҷойи якумро ба даст оварда, ғолиби мусобиқа дониста шуд. Инчунин толибилмони мактаби мазкур беҳтарин шоҳмотбозони ноҳия (байни наврасон) эълон гардиданд. Ҷойҳои дуюму сеюм бошад насиби мактабҳои №19 ва 18 гардид.
Ғолибонро Масрур Ғайратов, мудири Бахши кор бо ҷавонон ва варзиши ноҳия бо ифтихорномаю туҳфаҳои хотиравӣ сарафроз кард.
Ёдовар мешавем, ки мусобиқа ба ифтихори ҷашни Сада бо ҳадафи таҳкими нерӯи зеҳнии хонандагон ва муайян намудани беҳтарин шоҳмотбозон гузаронида шуд.
Эзоҳи худро нависед