Дар “Қасри варзиш” 10-11 апрел бахшида ба 30-солагии Истиқлолияти давлатии Ҷумҳурии Тоҷикистон бо ташаббуси КИ ХХДТ дар вилояти Суғд, Раёсати кор бо ҷавонон ва варзиши вилояти Суғд ва Иттифоқи кратэ-до вилоят мусобиқаи вилоятӣ оид ба каратэ-до баргузор гардид.

Дар маросими ифтитоҳи мусобиқаи вилоятӣ оид ба каратэ-до раиси КИ ҲХДТ дар вилояти Суғд Исмоилзода Зуфар Муртазохон, муовини сардори Раёсати кор бо ҷавонон ва варзиши вилояти Суғд Фахриддинзода Фирдавс, собиқадорони соҳаи варзиш ширкат намуданд.

Раиси КИ ҲХДТ дар вилояти Суғд Исмоилзода Зуфар Муртазохон дар сухани ифтитоҳии хеш иброз намуд, ки варзиш дар ҳар давру замон қосиди сулҳу дӯстӣ ва муаррификунандаи ҳар миллату давлат буд ва минбаъд низ боқӣ хоҳад монд.

Сипас, муовини сардори Раёсати кор бо ҷавонон ва варзиши вилояти Суғд Фахриддинзода Фирдавс дар баромади худ таъкид дошт, ки имрӯз бо шарофати сиёсати хирадмандонаи Асосгузори сулҳу ваҳдати миллӣ-Пешвои миллат, Президенти кишвар муҳтарам Эмомалӣ Раҳмон варзиш дар Тоҷикистони соҳибистиқлол ҳамчун ҷузъи таркибӣ ва пураҳамияти арзишҳои фарҳангӣ гашта, рушду инкишоф додани варзиш дар байни табақаҳои васеи омма ва густариш бахшидани он яке аз омилҳои муҳими солимгардонии ҷомеа ба ҳисоб меравад.

Дар мусобиқаи мазкур барои дарёфти Ҷоми КИ ҲХДТ дар вилояти Суғд 274 нафар наврасону ҷавонон аз синни 6 то 17-сола аз шаҳру навоҳии вилояти Суғд, аз қабили Хуҷанд, Б. Ғафуров, Конибодом, Исфара ва Истиқлол байни ҳам қувваозмоӣ намуданд.

Дар натиҷа аз рӯи ҷамъи умумӣ 38 нафар ғолибони мусобиқаи вилоятӣ оид ба каратэ-до, ки ҷойи аввалро сазовор гардиданд, бо Ҷоми КИ ҲХДТ дар вилояти Суғд, 38 нафар ҷойи дуюм ва 76 нафар ҷои сеюм бо медалу диплом ва туҳфаҳо сазовор шуданд.