Фардо - 29 март дар шаҳри Душанбе чорумин Фестивали дӯстии ҷавонони шаҳри Душанбе таҳти унвони “Ҷавонон-пайравони Пешвои миллат ва меросдори анъанаҳои Наврӯзӣ” баргузор мегардад.

Дар ин бора имрӯз – 28 март қарори Раиси шаҳри Душанбе ба тавсиб расид.

Фестивали мазкур дар доираи нақшаи чорабиниҳои Мақомоти иҷроияи ҳокимияти давлатии шаҳри Душанбе баргузор гашта, ҳадаф аз он баланд бардоштани ҳисси худшиносию худогоҳӣ, таҳкими дӯстиву рафоқат ва ягонагӣ дар байни ҷавонон, ҳифзи меросҳои фарҳангӣ ва манфиатҳои миллӣ, инчунин табодули таҷриба ва шиносоӣ бо ҷойҳои фарҳангиву фароғатии пойтахт маънидод мегардад.

Тавре дар қарор омадааст, Раёсати кор бо ҷавонон ва варзиши шаҳри Душанбе ҳамоҳангсози баргузории фестивали мазкур муқаррар шуда, муовинони раиси шаҳр ва воҳидҳои сохтории шаҳрдорӣ масъули баргузории чорабинианд.

Ёдовар мешавем, ки чандин сол аст шаҳри Душанбе Фестивали дӯстии ҷавонон баргузор мегардад.

Дар гузашта ба ҷуз чорабиниҳои фарҳангӣ ҷавонон зимни баргузории фестивал аз боғҳо ва мавзеъҳои таърихиву сайёҳии шаҳр боздид мекарданд