Дар майдончаи футболи хурди муассисаи давлатии мактаби варзишии ноҳияи Мир Сайид Алии Ҳамадонӣ бо ибтикори Бахши кор бо ҷавонон ва варзиши ноҳия мусобиқаи футболи хурд баргузор гардид.

Мусобиқаи мазкур байни наврасони солҳои таваллуди 2004-2005 аз ҷамоату деҳоти ноҳия доир гардида, дар он 16 даста бо ҳам қувваозмоӣ карданд. 

Дар даври ниҳоии мусобиқа дастаи наврасони мактаби варзишӣ сазовори ҷои яккум, дастаи ҷамоати деҳоти Панҷруди ноҳия мақоми дуюмро соҳиб гардиданд. 

Тибқи иттилои масъулин, ғолибони мусобиқа дар арафаи таҷлили Рӯзи ҷавонони Тоҷикистон аз ҷониби масъулини Бахши кор бо ҷавонон ва варзиши ноҳия бо медалу ифтихорнома ва туҳфаҳои хотиравӣ сарфароз гардонида мешаванд.