28-уми май дар рӯзи нахустини Чемпионати Осиё дар Остонаи Қазақистон чор муштзани тоҷиқ рақобатҳои хешро бо ғолибият оғоз намуданд.

Дар аввалин рӯзи рақобатҳо миёни муштазнони то 22 сола 6 муштзани тоҷик ҳунарнамоӣ кард. Мусобиқаи мазкур, ҳамчун марҳилаи омодагӣ ба Чемпионати ҷаҳонии бокс маҳсуб мешавад, ки моҳҳои октябр-ноябри соли 2024 дар Хорватия баргузор мегардад.

Меҳрон Шафиев (51 кг) дар даври аввал намояндаи Тайпеи Чин - Као Тзу Ҳенгро дар раунди дуюм тариқи нокаут мағлуб кард. Хусравхон Раҳимов (57 кг) дар рақобати аввал бо ҳисоби 5:0 муқобили Гуванч Ахмедов аз Туркманистон зафар ёфт. Абубакр Муродзода (60 кг) дар нерусанҷии аввал бо ҳисоби 5:0 муқобили намояндаи Шри-Ланка Премаратна Ясиду дастболо гардид. Довуд Маҳкамов (71 кг) дар раунди аввал тариқи нокаут бар муштзани афғон Алӣ Майсам Ализода ғолиб шуд.

Меҳроҷиддин Баротов (48 кг) дар даври аввал аз намояндаи Баҳрайн - Мигма Дорҷи ва Меҳроҷ Зоидов (54 кг) дар даври аввал аз муштзани муғул Энхсайхан Оюн Эрдене мувоҷеҳи шикаст шуд.

Ёдовар мешавем, ки Чемпионати Осиё оид ба бокс аз 25-уми апрел то 8-уми май миёни муштзанони 18 ва 22 сола байни писарону духтарон дар Қазоқистон баргузор мегардад.

Яҳё МАҲМАДНАБИЕВ, “ҶТ”